Realme X Vs Redmi K20 Detailed Comparison: What’s Hype & What’s Real ?

Realme X ko takkar dene ke liye, thik do din baad hi Redmi ne apna Redmi K20 aur saath hi affordable flagship phone Redmi K20 Pro India mein launch kiya hai. Aise mein Realme CEO Madhav Seth ne Redmi K20 ke high price par seedha nishaana saadha hai aur social media par campaign bhi start kiya hai ‘Kill the Hype, Let’s be Real’. Iske baad dono smartphones ka detailed comparison to banta hai.

Realme X aur Redmi K20 ke prices mein thoda difference zaroor hai, lekin dono ek doosre ke strong competitors hain. Aur Realme ke is campaign ke through to dono smartphones mein competition start ho hi chuka hai. Aise mein aapko kaun sa phone purchase karna chahiye, aaiye hamaare is detailed comparison mein jaante hain.

Design & Display

Realme X aur Redmi K20, dono ka hi design kaafi achha hai. Redmi K20 mein aapko glass sandwich design milta hai, wahin Realme X mein polycarbonate yaani ki plastic body hai. Halaanki Realme X ki plastic body aapko complete glass finish deti hai, saath hi is smartphone mein ek premium feel bhi milta hai. Lekin Realme X mein glass like finish jo hai, wo filhaal kaafi phones mein aane laga hai, wahin Redmi K20 ke rear panel jo design hai, to thoda unique aur jyada attractive hai.

Iske alawa dono handsets mein pop-up selfie camera hai, to dono mein hi aapko bina interruption notch free full view display bhi milti hai. Saath hi dono mein hi AMOLED panel hai, to yahaan par bhi feel kaafi achha hai.

Display

Redmi K20 mein 6.39 inch ki Super AMOLED display hai, wahin Realme X mein 6.53 inch ki Super AMOLED display hai. Dono hi phones aapko full HD+ resolution ke saath screen offer kar rahe hain. Saath hi dono mein Corning Gorilla Glass 5 protection bhi hai.

Well, lower mid-range phones hone ke baawajood aapko yahaan AMOLED panel ke sath kaafi achhi details aur viewing angles bhi dekhne ko milenge. Display ko consider karein, to dono hi phones almost same hain.

Processor

Realme X mein Octa Core Qualcomm Snapdragon 710 chipset hai, Redmi K20 mein latest Qualcomm Snapdragon 730 chipset hai. Ye saaf hai ki Redmi K20 better performer hai, lekin Realme X mein bhi aapko yahaan ek mid-range aur fast chipset diya gaya hai, jiski performance kaafi achhi hai.

Halaanki benchmarking sites par aapko in dono chipsets ke score mein difference nazar aayega, lekin agar aap ek gamer nahin hai aur moderate phone user hain, to dono ki performance lagbhag same hi lagti hai. Saath hi yahaan par main ye bhi mention karna chahungi ki dono phones mein jo price ka difference hai, yahaan aapko performance mein utna antar nazar nahin aayega.

5K bachakar, Realme X purchase karna bhi ek achhi deal hai, jabki agar aap ek game lover hai, to Redmi K20 ki taraf jaa sakte hain.

Software

Dono mein aapko Android 9.0 Pie OS milta hai. Realme X mein Android par Color OS 6.0 hai aur Redmi K20 mein MIUI 10 hai. Well, mujhe lagta hai ki aapko bhi pata hoga ki kis phone ka software jyada better hai. Definitely yahaan par ye point Redmi K20 ko jaata hai, kyunki Realme X ka Color OS waakyi mein kuch khaas nahin hai. Saath hi Xiaomi ke according ab MIUI 10 mein aapko ads bhi nahin aayenge aur iska interface kaafi achha aur simple hai.

Camera

Trendy features ko dekhte huye, Redmi K20 mein triple rear cameras diye gaye hain, jabki Realme X mein aapko dual sensors milte hain. Dono mein hi primary rear camera 48MP ka hai, jo ki is samay ek famous trend ban chuka hai. Halaanki yahaan par difference ye hai ki is main camera mein aapko Realme X mein Sony IMX586 sensor milta hai, jabki Redmi K20 mein Sony IMX582 sensor diya gaya hai.

Difference ye hai ki sony IMX586 sensor mein 4K fps video recording support hai, jabki Sony IMX582 sensor mein ye nahin hai. Lekin yahaan par ye point aap ignore kijiye, kyunki filhaal dono hi phones mein 4K fps video recording support nahin milegi.

Iske alawa Realme X aur Redmi K20, dono se li gayi images kaafi achhi hain. Dono mein aapko detailing, brightness aur sharpness kaafi achhi mil jaati hain. Lekin Redmi K20 se li gayi images mein color thode se dull lagte hain, jabki Realme X ke rear cameras se li gayi images, jyada bright aur vibrant lagti hai aur thodi catchy hain.

Realme X mein 48+5 MP ke cameras hain, jabki Redmi K20 mein 48+8+13 MP ke cameras hain.

Agar aap cameras ko lekar confuse hain, to sach maaniye koi khaas difference aapko inmein nazar nahin aayega, dono kaafi close performance dete hain.

Halaanki selfies mein yahan slightly better Redmi K20 hi hai, jismein 20 MP ka selfie camera hai, jabki Realme X mein 16MP ka pop-up camera hai. In dono phones mein aapko pop-up cameras ke saath face unlock bhi milta hai aur ye baat main zaroor kehna chahungi ki Realme X ka face unlock, Redmi K20 ke mukaable kaafi fast hai.

Battery

Realme X mein 3765mAh ki battery hai, jo ki kam hi hai, kyunki aaj kal bahut se phones mein minimum 4000mAh battery to aapko milti hi hai. Lekin iska VOOC 3.0 fast charging support yahaan par phone ko kaafi tezi se charge karta hai. Jabki Redmi K20 Pro mein aapko 18W fast charging ke saath 4000mAh ki battery milti hai.

Price & Storage Options

Realme X aur Redmi K20, dono ko hi two storage options mein release kiya gaya hai.

Realme X 4GB RAM ke saath 128GB storage option ka price 16,999 INR hai aur 8GB RAM ke saath 128GB storage ki cost 19,999 INR hai. Flipkart aur Realme.com se aap ise 24th July se purchase kar sakte hain.

Wahin Redmi K20 6GB RAM ke saath 64GB storage variant ki kimat 21,999 INR hai, aur 6GB RAM ke saath 128GB storage model ko aap 23,999 INR mein kharid sakte hain. Ye phone Flipkart, Mi.com aur Mi Home stores par July 22 se available hoga.

Verdict

Well, dono hi phones mein kaafi close fight hai. Display & camera almost same experience hi dete hain. Wahin chipset mein Redmi K20 slightly better hai, lekin bahut jyada difference bhi nahin hai. Halaanki yahaan par major plus point Redmi K20 ke paas uska software hai, jo ki Color OS se behtar hai.

Lekin wahin kimat ki baat karein to Redmi K20 slightly over priced lagta hai, kyunki ye aapko 128GB storage 16,999 INR ke price par de raha hai, lekin Redmi K20 mein aapko 64GB storage, jo ki 6GB RAM ke saath aati hai, 21,999 INR mein milti hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: