Realme X Spider Man Far From Home Edition Announced: Expected To Launch In India By Next Month

Realme X India mein next month launch hone jaa raha hai aur isse pehle is smartphone ka ek special edition China mein aaj announce kiya gaya hai. Marvel ki upcoming movie ‘Spider Man: Far From Home’ se inspired, Realme X Spider-Man Far From Home Edition aaj China mein launch kiya gaya hai. Iske liye company ne Marvel se tie-up kiya aur expected hai ki ye special edition India mein bhi next month launch kiya jayega.

Halaanki company CEO Madhav Seth ne Realme X ke India launch ki confirmation to de di hai, lekin dates announce nahin ki hain. Maana jaa raha hai ki Redmi K20, jo ki Snapdragon 730 ke saath aane waala hai, usi ke against company Realme X ko bhi iske aas-paas hi launch karegi aur ye Spider Man Far From Home Edition bhi usi samay launch hone ki ummid hai. Yahaan par ek aur baat jo batana zaroori hai, wo ye ki Madhav Seth ne announce kiya tha ki Realme X India version mein specs different honge aur possible hai ki company Redmi K20 ko compete karte huye, Realme X mein Snapdragon 730 chipset offer kare.

Lekin yahaan par aap upar di gayi image mein dekh sakte hain ki company ne is special edition phone mein koi special color ya different logo nahin diya hai. Balki iske box ke saath aapko yahan SpiderMan theme ka ek icon pack/ cover aur wallpaper milta hai.

Realme X Far From Home Edition ki kimat China mein 1799 yuan hai, approximately 18,000 INR aur ye 8GB RAM aur 128GB internal storage ke saath launch hoga. Iske alawa is special edition mein sabhi specs same honge, jo aap neeche dekh sakte hain.

Realme X Spider Man Far From Home Edition

  • 6.53 inch full HD+ AMOLED display
  • 2 GHz Octa Core Snapdragon 710 chipset
  • 8GB RAM
  • 128GB internal memory
  • 48 Sony IMX 586 primary rear camera + 5 MP secondary camera
  • 16 MP pop-up selfie camera
  • 3765mAh battery
  • VOOV 3.0 fast charging support
  • Android 9.0 Pie OS with

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: