Realme X Ki Takkar Mein Oppo K3 India Mein Launch Hua; Price, Specs & More

Oppo ne aaj India mein K-series mein apna latest smartphone launch kar diya hai, jiska naam Oppo K3 hai. Ye phone February 2019 mein launch huye Oppo K1 ka successor hai. Oppo ke looks aur kuch specs, Realme X se similar hain aur saath hi ye phone same price range mein hi launch kiya gaya hai.

Ab aaiye aapko iske features bataate hain. Oppo K3 mein bhi Octa Core Qualcomm Snapdragon 710 chipset diya gaya hai, jo ki Adreno 616 GPU ke saath aayega. Iske alawa ismein aapko 6.5 inch ki full HD+ 19.5:9 AMOLED display milti hai aur Corning Gorilla Glass 5 protection bhi hai.

Saath hi Oppo K3 mein bhi Android 9.0 Pie OS ke saath Color OS 6.0 hi moujood hai. Is dual SIM handset mein aapko 16 MP ka primary rear camera f/1.7 aperture, 6P lens aur LED flash light ke saath milta hai. Iske alawa 2 MP ka secondary rear camera f/2.4 aperture ke saath yahaan depth focus karne ke liye fit kiya gaya hai.

Oppo K3 ki battery bhi exactly Realme X se similar hai, Yahaan 3765mAh ki battery VOOC 3.0 fast charging ke saath di gayi hai. Ismein aapko in-display fingerprint scanner, 3.5mm audio jack aur Dolby Atmos support bhi milta hai.

Oppo K3 ko India mein two storage options ke saath launch kiya gaya hai. Ismein 6GB LPDDR4x RAM ke saath 64GB inbuilt storage model ki price 16,990 INR hai. Wahin 8GB RAM ke saath 128GB storage model ko aap 19,990 INR mein kharid sakte hain. Yahaan jo storage aapko mil rahi hai, wo UFS 2.1 storage hai, lekin microSD card slot ismein  bhi nahin hain.

Ye Oppo handset Amazon exclusive hai aur aap ise July 23rd se purchase kar sakte hain. Saath hi AXIS credit aur debit card holders ko ye phone kharidne par 1,000 INR tak ka instant cashback offer bhi mil raha hai. Amazon bhi is handset par aapko 1,000 INR tak ka cashback dega. Iske alawa 6 months tak ki no-cost EMI option, Lenskart ki taraf se 5,000 INR ka gift voucher, 7,050 INR take ke Jio offers bhi Oppo K3 ki purchase par mil rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: