Realme X Ki India Launch Date Saamne Aayi; Saath hi Launch Hoga SpiderMan Edition

Realme X ko May 2019 mein hi China mein announce kar diya gaya aur ab ye handset India mein aane wala hai. Kayi baar iska India launch tease karne ke baad, company CEO Madhav Seth ne aaj Realme X ki India launch date finally announce kar di hai. Saath hi is phone ka Spider Man edition, jo ki China mein last week hi aaya hai, wo bhi India mein announce hoga.

Realme X ke India launch date ko ek video ke through unhone Twitter par share kiya hai, jismein bataaya gaya hai ki ye phone 15th July ko dopahar 12.30pm par India mein announce hoga. Iski expected price khud Madhav Seth ne hi bataayi hai, jo ki approx. 18,000 INR hogi.

Saath hi unhone ye bhi kaha tha ki is phone ke India variant mein kuch changes kiye jayenge, well ab wo kya hain, ye kisi ko nahin pata. Lekin isko lekar rumors ye hain ki Realme X ko India mein Snapdragon 730 chipset ke saath launch kiya jaa sakta hai, jiske baad wo upcoming Redmi K20 ko compete karega, jo ki usi samay launch hone waala hai.

Specs ki baat karein to, Realme X mein pop-up selfie camera hai, jo ki 16 MP resolution ke saath aayega. Iske alawa ismein 48+5 MP ka dual rear camera setup diya gaya hai. Ismein 6.53 inch ki full HD+ AMOLED display, Corning Gorilla Glass 5 ke saath moujood hai, 4GB / 6GB/ 8GB RAM options ke saath 64GB / 128GB storage options diye gaye hain.

Iske alawa ye Realme ka first smartphone hai, jismein in-display fingerprint scanner hoga, dual SIM slots hain aur 3765mAh ki battery VOOC 3.0 fast charging support ke saath di gayi hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: