Realme X Fans Ke Liye Aaj Raat Hogi ‘Hate To Wait’ Sale

Realme ne haal hi mein India mein apna latest phone Realme X launch kiya hai. Is handset ki sale July 24th se start hone waali hai, lekin company apne fans ke liye aaj raat 8pm par ‘Hate To Wait’ sale host karne jaa rahi hai. Ye sale Flipkart aur Realme.com par organize ki gayi hai.

Is sale ke liye Flipkart aur Realme.com, dono jagah par aap register kar sakte hain. Saath hi is sale mein 4GB aur 8GB RAM options, dono hi available hain. Lekin is sale mein aap phone ko kis tarah paa sakte hain, iski details abhi saamne nahin aayi hain. Halaanki ummid ye hai ki aaj raat 8pm par hone waali ‘hate to wait’ sale, ek flash sale ki tarah hi ho sakti hai.

Is sale mein Realme X ka koi bhi model kharidne par SBI credit card holders ko instant 10% cashback offer bhi diya jaa raha hai. Saath hi no-cost EMI option bhi available hoga. Iske alawa Realme kharidne waale consumers ko first Paytm membership jiski kimat 750 INR hai, free mein di jayegi.

Company ne is handset ko 6.53 inch ki full HD+ display, Octa Core Qualcomm Snapdragon 710 chipset ke saath launch kiya hai. Ismein aapko 48 MP ka primary rear camera Sony IMX586 sensor, LED flash light ke saath milta hai aur saath hi 5 MP ka secondary camera depth sensing ke liye hai.

Iske alawa notch-less display ke saath 16 MP ka pop-up selfie camera bhi moujood hai. Halaanki aapko battery yahaan par thodi choti milti hai, jo ki 3765 mAh ki hai. Jabki minimum 4000 mAh battery ab trending hai. Lekin yahaan VOOC 3.0 fast charging support zaroor diya gaya hai.

Realme X ke 4GB RAM with 128GB storage ka price 16,999 INR hai aur 8GB RAM with 128GB version ki cost 19,999 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: