Realme sub brand Dizo ne India mein announce kiya apna first event

Realme ki nayi AIoT products ki brand Dizo jaldi hi India mein apna first event host karne jaa rahi hai. Realme ki is lifestyle ecosystem brand ka first event India mein 1st July ko hone waala hai. Filhaal ye saaf nahin hai ki company kaun se products launch karne jaa rahi hai halaanki brand ke kuch products leaks mein in dinon nazar zaroor aaye hain jaise ki earbuds, smartwatch, etc.

Ek aur product hai jo leaks mein nazar aaya hai, wo hai Dizo ka feature phone aur agar company ise launch karti hai to Realme feature phone category mein bhi shaamil jo jayegi jismein ab tak sirf Jio, Samsung aur iTel jaisi companies hi aage hain.

Is brand ke kuch products Vietnam ki shopping website par bhi dekhe gaye hain jinmein Dizo GoPods, Dizo watch shaamil hain. Lekin teasers mein jo nazar aa raha hai unke according ye Realme Buds Air 2 aur Buds Q2 ke rebranded version ho sakte hain aur agar aisa hota hai to Realme fans ko isse kaafi niraasha hogi. Wahin agar company kuch alag aur innovative AIoT products launch karti hai, to ye brand India mein popularity gain kar sakta hai. Saath hi in products ko sell karne ke liye company ne Flipkart ke saath tie-up bhi kiya hai.

Dizo

Dizo feature phone ke leaks ko lekar logon ke beech excitement kaafi hai. Saath hi kuch reports ke according ye company ek Bluetooth speaker aur vacuum robot par bhi kaam kar rahi hai, lekin details abhi inki nahin aayin hain.

Well, Dizo ka first launch event ab door nahin hai, dekhte hain ki inmein se company kaun se products introduce karti hai.

Filhaal is brand ke teaser mein GoPods, Dizo GoPods D ko dekha jaa sakta hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: