Realme Ne Kiya Confirm, 90Hz Display Ke Saath Bahut Jaldi Aane Wala Hai Naya Phone

Realme jaldi hi 90Hz display ke saath ek naya smartphone launch karne waala hai, maana jaa raha hai ki ye phone aur koi nahin, balki kuch samay pehle rumors mein aaya Realme XT Pro ho sakta hai. 90Hz display ke saath phone jaldi hi launch karne ki khabar Realme ke Product Manager Wang Derek ne Chinese social media platform par confirm ki hai.

Derek ne iske alawa phone ka naam ya koi specs reveal nahin kiya hai, lekin kaha hai ki ye device OnePlus 7 se cheaper yaani ki sasta hoga.

Rumors ke according, Realme XT Pro mein 6.4 inch ki ful HD+ AMOLED display hogi, ye device Snapdragon 730G chipset, 8GB RAM aur 128GB internal storage ke saath aa sakta hai.

Iske alawa ismein aapko same Realme XT waala camera setup milega. 64MP ka primary camera, 8MP ka ultra wide angle lens, 2MP ka depth sensor aur 2MP ka macro lens. Ismein bhi aapko 32MP ka front facing shooter f/2.0 aperture ke saath mil sakta hai.

Realme XT Pro mein 30W fast charging support ke saath 4000mAh ki battery expected hai. Iske alawa ismein in-display fingerprint scanner, NFC support bhi hoga.

Well, ab ye dekhna to exciting hoga ki ye naya 90Hz display waala phone, kis price ke saath launch hota hai. Iske alawa company jaldi hi Realme ka ek aur naya handset 5G connectivity ke saath launch karne waali hai, jiski announcement company ne kal hi Qualcomm ki 700-series mein 5G connectivity ke saath chipset launch karne ki announcement ke thik baad ki hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: