Realme Ne Flipkart Par Tease Kiya Apna Entertainment Based Smartphone, Jaldi Hi Launch Hone Ki Ummid

Flipkart par Realme jaldi hi apna naya smartphone launch karne wala hai, is upcoming phone ka landing page Flipkart par aa chuka hai aur company ne ise entertainment focused phone ke taur par tease kiya hai. Ho sakta hai ki ye phone February mein launch ho.

Upar di gayi teaser image mein aap wide notch ke saath ek smartphone dekh sakte hain. Saath hi company ne is smartphone entertainment handset ke taur par trase kiya hai aur travel ke liye videos, movies, TV serials store karne ka hint diya hai, yaani ki ye phone badi storage ke saath aayega.

Maana jaa raha hai ki Realme A1 ho sakta hai, jis smartphone ke rumors hum two months se sunte aa rahe hain aur jo Realme C1 aur Realme U1 ke beech kisi price par launch ho sakta hai. Saath hi Realme ke CEO Madhav Seth ne bhi ye announce kiya hai ki company kuch phones quarter one mein aur kuch Q2 2019 mein announce kar sakti hai.

Realme ke upcoming smartphone Android 9.0 Pie OS aur Color OS 6.0 ke saath aayenge. Well, expected hai ki hum aur aap is phone ka launch early February mein dekhein aur tabhi humein iske baaki specs ka pata chal sakega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: