Realme Ne Announce Ki New Smartphone Series: Powerful Chipset Ke Sath Next Week Hogi Release

Realme aur Redmi mein kaante ki takkar jaari hai. Haal hi mein dono ne latest chipset Snapdragon 665 ke saath apne apne phones bhi launch kiye hain. Wahin Mi A3 ke India launch ke saath hi company Redmi ne apni Redmi Note 8 series ki launch date announce kar di hai, to doosri taraf aaj Realme ne bhi officially ek new smartphone series ko tease karna shuru kar diya hai.

ALSO READ: Mi A3 Vs Realme 5 Detailed Comparison; Kaun Sa Snapdragon 665 Phone Aapko Kharidna Chahiye?

Realme CMO Xu Qi Chase ne aaj Weibo par ek velociraptor ki image share karte huye likha hai ki, “higher performance! Take a harder photo! Realme ki new series, next week hogi release.” Ismein unhone Realme ke aage ‘?’ dete huye, audience aur fans se naam guess karne ke liye kaha hai. Is post ko aap neeche dekh sakte hain.

Filhaal is series ka naam koi nahin jaanta, lekin market mein promotion to shuru ho gaya hai aur excitement bhi hai. Aapko kya lagta ! kya hoga is nayi smartphone series ka naam.

Ab bhai, rumors to kayi hai. Kuch samay pehle is company ke Snapdragon 855 Plus chipset ke saath phone announce karne ki baat saamne aayi. Ab 64MP phone XT ka bhi intezaar hai. Saath hi Redmi Note 8 Pro mein MediaTek Helio G90T chipset aane waala hai, to company takkar dene ke liye, better performance aur better camera ke saath  is chipset ke saath bhi phone launch kar sakti hai.”

Aapka kya kehna hai, ek comment to kar hi dijiye….

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: