Realme Ne Announce Ki Naye Budget Phone Ki Launch Date Aur Naam

Realme bahut tezi se smartphone market mein apni pakad mazboot kar raha hai aur phir se ek baar company ne apne naye phone ki announcement ki hai. Realme India mein next month apna budget smartphone launch karne ki taiyaari mein hai, jiska naam Realme C3 hai.

Realme apni entry-level C-series mein is smartphone ko 6th February, 2020 ko launch karne waala hai, jiske invites bhi aap neeche dekh sakte hain. Saath hi company ne Twitter handle par iske kuch specs bhi tease kiye hain. Teaser mein dewdrop notch ke saath display aur dual rear cameras clear dikhaai de rahe hain. Saath hi is handset ka ek color variant ‘Blue’ bhi nazar aa raha hai.

Isi ke saath Realme ne ye news bhi announce ki hai ki ab tak company C-series ke 10.2 million units sale kar chuki hai aur ye unki superhit entry-level smartphone series hai.

Well Realme C3 kuch samay se rumors mein bana bhi hua hai aur ismein iske predecessor Realme C2 ki tarah HD+ display hi expect ki jaa rahi hai, lekin thode improve screen-to-body-ratio ke saath. Iske alawa ismein 5000mAh ki giant battery, aur improved cameras dekhne ko mil sakte hain.

Software updates ko lekar bhi Realme ne announce kiya tha ki naya RealmeUI Android 10 ke saath Realme C2 aur C3 par aayega, lekin ye shayad 2020 ke Q2 ya Q3 mein aapko milega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: