Realme Narzo 30, 30 5G, 32-inch Smart TV India mein Jaldi honge launch

Realme ne global event mein haal hi mein Realme GT 5G ko launch kiya aur ab company jaldi hi India mein kayi products launch karne wali hai. Is list mein Realme Narzo series mein Narzo 30, 30 5G phones, ek smart TV aur earbuds shaamil honge. Well ye event 24 June ko hoga aur ye khabar company ne aaj hi Twitter par share ki hai.

Aaiye jaante hain ki Realme ke upcoming event mein India mein kya kya dekhne ko mil sakta hai.

Realme Narzo Smartphones

Realme ki Narzo 30 series mein Narzo 30 aur Narzo 30 5G is baar India mein entry kar sakte hain. Isse pehle company Narzo 30 Pro aur Narzo 30A ko India mein launch kar chuki hai. Ye dono smartphone jo ab aane waale hain, ye global market mein launch ho chuke hain. Sepcs aap neeche dekh sakte hain.

Realme Narzo 30 aur 30 5G mein 6.5 inch ki full HD+ display aayegi aur ismein 90Hz refresh rate support milega. Iske alawa Narzo 30 mein MediaTek Helio G95 chipset hoga aur iske 5G model mein MediaTek Dimensity 700 chipset aayega.

In smartphones mein triple rear cameras (48MP + 2MP + 2MP) aur selfie ke liye 16MP ka front camera aayega. Iske alawa inmein Android 11 OS par realme UI 2.0 skin milegi. Other features mein 4GB / 6GB RAM options, 128GB storage, USB Type-C port, triple card slot, side mounted fingerprint sensor jaise kayi feature shaamil hain.

Realme Buds Q2

24th June ko company Realme Buds Q2 ko bhi India mein launch kar sakti hai. Ye pehle hi Pakistan mein launch kiye jaa chuke hain. Ab ye India mein ANC feature ke saath aa sakte hain, aur jo Pakistani variant mein nahin hai.

Naye earbuds mein 10mm driver, transparency mode, IPX5 certification jaise feature ho sakte hain. Kuch reports ka kehna hai ki company ise kisi aur naam ke saath bhi India mein launch kar sakti hai aur iska price around 2,500 INR hoga.

Realme Smart TV 32-inch

Realme India mein apne 43-inch aur 50 inch smart TVs launch kar chuki hai aur ab company 32 inch smart TV ko launch karne jaa rahi hai. Ummid hai ki 32 inch mein bhi company wahi feature de, jo humein 43-inch mein dekhne ko mile. Agar aisa hua to, ismein bhi 4K resolution ke saath display, 178 degree FoV, Dolby Atmos support milega.

Well, ismein ab company kaun se specs deti hai, iska sabhi ko intezaar hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: