Realme Launch Kar Sakta Hai World Ka First 64MP Camera Wala Smartphone

Kuch months pehle Samsung ne 64MP ISOCELL Bright GW1 chipset ko announce kiya tha. Iske baad humein yeh news dekhne ko mili thi ki Xiaomi ke phone mein iss chipset ko sabse pehle use kiya jaayega, lekin ab iss chispet ke use ko le kar ek aur news saamne aayi hai. Realme CEO Madhav Seth ne Tweet ke dwara bataya hai ki company apne premium segment phone par kaam kar rahi hai, jismein wah 64MP ISOCELL Bright GW1 chipset ko use karegi.

Itna hi nahi yeh world ka pehla phone hoga jismein 64MP camera dekhne ko milega, iske alawa iss phone mein quad camera setup diya jaayega. Tweet ke saath Madhav Seth ne ek image ko bhi share kiya hai jismein 64MP AI Quad Camera Shot On Realme ka watermark bana hua hai. Image ki quality kaafi bhadiya dikhai de rahi hai.

 

Iske alawa Madhav Seth ne yeh bhi bataya hai ki company iss phone ko sabse pehle India mein launch karegi. Company ki taraf se aane wala yeh first phone hoga jismein 64MP sensor ke saath saath quad camera setup bhi dekhne ko milega. Iss se pehle Realme 3 Pro mein humein triple rear camera dekhne ko mila hai. 64MP GW1 chipset largest 1/1.72″ sensor aur 1.6µm pixels ke saath aati hai. Iss chipset mein Pixel-merging Tetracell technology aur remosaic algorithm ka use kiya gaya hai. Iske alawa ismein Real time HDR ka support bhi milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: