Realme Ke Upcoming Phone Ne Tode AnTuTu Scores Ke Records, Rumors Mein Saamne Aaya Phone Ka Naam

Realme ne isi month mein 5G chipset Snapdragon 765 ke saath Realme X50 ko announce kiya hai. Lekin Realme ki last month ki gayi announcement ke baad sabhi ko company ke upcoming flagship phone ka intezaar hai. Darasal, last month December 2019 mein Snapdragon 865 5G ke announce hone ke saath hi company ne ye announcement kar di thi ki wo jaldi hi is naye chipset ke saath flagship phone launch karegi.

Well, yahaan ye khabar islie uth rahi hai ki Realme ke ek phone ko AnTuTu benchmarking site par dekha gaya aur is phone ke AnTuTu scores ke highest score paakar records break kiye hain. Bataaya jaa raha hai ki ye phone Snapdragon 865 chipset ke saath jaldi hi announce hoga aur iska naam Realme X50 Pro ho sakta hai.

AnTuTu par ye phone RMX2071 model number ke saath spot kiya gaya hai, jiska score 574,985 hai. Isi ke saath China ke ek tipster ne ye bhi bataaya hai ki is phone mein company punch-hole selfie camera degi jo ki upper left corner mein hoga.

Realme X50 Pro mein 5G connectivity ke saath 120Hz refresh rate ke saath display bhi di jaa sakti hai. Camera ko lekar jo rumors saamne aaye hain, unke according ismein 108MP primary camera ke saath quad rear camera aane ki possibility hai

Maana jaa raha hai ki company is handset ko MWC 2020 mein announce kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: