Realme Ke Baad, Phir Se Ek Naya Brand Lekar Aa Raha Hai Oppo

Chinese smartphone maker, Oppo basically apne cameras ke liye jaana jaata hai. Haai hi mein India mein Oppo K1 launch hua aur sub-brand Realme ne Realme 3 ko announce kiya. Realme, ek budget smartphone brand hai, jise company ne last year launch kiya tha aur aaj phir se Oppo ki ek aur nayi brand ka teaser hamaare saamne aaya hai.

Oppo ki is nayi sub-brand ka naam ‘Reno’ hoga, jiska teaser video, haal hi mein Twitter par share kiya gaya hai, jismein ek smartphone triple rear cameras ke saath nazar aa raha hai. Saath hi is video mein company ne ye bhi saaf kar diya hai ki sub brand Reno ka first smartphone 10th April ko China mein launch kiya jayega.

Aaiye aapko bataate hain ki Reno ke baare mein hum abhi tak kya jaante hain ?

Oppo ki is nayi smartphone series ‘Reno’ ko specially young customers ko target karke launch kiya jaa raha hai. Is brand ka log bhi kaafi colorful hoga, jaise ki aap neeche di gayi image mein dekh sakte hain. Is naye sub-brand ke baare mein khud company ke Vice President Shen Yiren ke khulaasa kiya hai.

Iske alawa company ek naye flagship smartphone par kaam kar raha hai, jismein humein haal hi mein announce hui 10x lossless zoom technology dekhne ko milne waali hai. Maana jaa raha hai ki is smartphone ka naam Oppo Find Z ho sakta hai. Saath hi company ka ek aur smartphone A5s bhi leaks aur rumors mein lagaataar bana hua hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: