Realme ke 15K se upar ke sabhi Phones mein hoga 5G support

Realme ne announcement kar di hai ki wo apne affordable 5G phones range ko aur expand karne waale hain. Twitter par ek post share karte huye Realme India aur Europe CEO Madhav Sheth ne ye announce kiya ki Realme fans ke liye wo affordable 5G phones lekar aa rahe hain. Unhone apne tweet mein mention kiya hai ki future mein jis bhi Realme smartphone ka price 15,000 INR se upar hoga usmein 5G support zaroor hoga.

Lekin yahaan ek baat jo humein bhoolni nahin chahiye wo ye hai ki telecom operators aur government ki taraf se 5G connectivity ko lekar filhaal koi timline nahin di gayi hai. Aise mein 5G phones chalenge to 4G connectivity par hi. Halaanki agar next year tak 5G kuch states mein bhi aa jata hai to ye phones kaafi useful ho sakte hain. Lekin phir bhi bahut se customers is saal 5G smartphones ki taraf aakarshit (attract) ho rahe hain.

Realme CEO ke Tweet mein unhone ye bhi kaha hai ki Realme GT isi quarter mein India mein launch hoga aur saath mein aur bhi GT products introduce kiye jayenge. Company Narzo series mein bhi aur smartphones launch karne ki planning kar rahi hai.

Realme ka focus is time 4G smartphones ko limit karke affordable segment mein 5G phones laane ka hai. Realme hi nahin balki Vivo, Oppo, Samsung, Xiaomi jaisi companies bhi isi raaste par chal rahi hain.

Realme ki baat karein to is samay bhi is brand ke kayi 5G phones India mein already available hain jaise ki Realme 8 5G, Realme Narzo 30 5G, Narzo 30 Pro 5G, Realme X7 Max 5G.

Kuch hi saalon mein Realme affordable smartphones ke alawa kuch flagship smartphones, ear buds, smartwatches, ke saath ab Realme Book laptop aur Realme Pad jaise products mein bhi expand kar raha hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: