Realme Ka Naya Store Open Hone Wala Hai India Mein, Saath Hi Milega Mouka Realme 3 Pro Jeetne Ka

Realme apne users ke liye ek aur good news ke saath saamne aayi hai. Delhi mein Realme ka pehla Pop up store open hone wala hai. Yeh store 27th April ko Delhi ke Pacific mall mein open hoga jo ki Subhash Nagar mein bana hua hai. Iss store se users haal hi mein launch huye Realme 3 Pro ko  online sale se pehle hi purchase kar sakenge. Iske liye registration already start ho chuke hain.

 

 

Store ki opening par Realme apne fans ko kuch gifts bhi offer kar rahi hai. Jismein register karne wale sabhi users ko Realme ki taraf se freebies di jaayegi jo store mein uss samay present honge. Iske alawa Marvel Studios ki most awaited movie Avengers : The End Game ke PVR movie tickets bhi queue mein lage pehle 200 usesr ko diye jaayenge. Iske alawa users ko flagship smartphone Realme 3 Pro bhi jeetne ka mouka mil sakta hai. Saath hi users food aur cashback coupons ko bhi jeet sakte hain. Inn sabhi offers ke aalwa Realme 3 Pro ko pre-booking par aapko ek backpack bhi diya jaayega. Saath hi aap ek mystery gift jeetne ka chance bhi ismein paa sakte hain.

 

Baat karein phone ke specs ki to aapko Realme 3 Pro mein 6.3 inch ki FHD+ display coring gorilla glass 5 protection ke saath milti hai. Iss phone mein company ne Octa Core Snapdragon 710 chipset use kiya hai saath hi Adreno 616 GPU bhi aapko ismein milta hai. Phone mein 16MP+5MP ka rear camera setup milta hai jo ki Sony IMX519 sensor ke saath aata hai. Saath hi ismein aapko 25MP ka front facing camera bhi dekhne ko milta hai. Phone ke rear camera se aap 960fps par super slow motion video record kar sakte hain. Iss phone ko company ne 4GB/64GB aur 6GB/128GB storage variants mein launch kiya hai. Phone mein 4045mAh ki typical battery di gayi hai jo ki VOOC 3.0 ki fast charging ko support karti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: