Realme Ka Naya Smartphone ‘ Realme X ‘: Pop-up Selfie Camera Aur In-Display Fingerprint Scanner Ke Saath Hoga Launch

Realme ne abhi haal hi mein Realme 3 Pro ko India mein announce kiya hai aur jaldi hi company isi smartphone ke saath China mein apna debut karne jaa rahi hai. Lekin TENAA certifications ke dauraan is smartphone ke saath ek aur smartphone ko RMX1901 model number ke saath dekha gaya tha, jismein notch-less display moujood hai. Aur aaj humein pata chala hai ki is smartphone ka naam Realme X hoga.

Aap sahi padh rahe hain !

Realme jaldi hi apna first pop-up selfie camera phone announce karne waali hai aur is handset ka naam Realme X hoga. Is khabar ko khud Realme CMO Xu Qi ke confirm kiya hai. Realme CMO ne Weibo par ek post karke, khud is smartphone ka naam reveal kiya hai.

Iske alawa Realme X ko lekar ek promotional video bhi haal hi mein saamne aaya hai. Isse pehle TENAA certifications ke dauraan saamne aayi images se ye bhi confirm ho chuka hai ki is upcoming Realme smartphone mein vertically dual rear cameras fitted honge. Yahaan par rear mounted fingerprint scanner bhi nahin dikh raha hai, jiska matlab hai ki aako yahaan in-display fingerprint scanner mil sakta hai.

Rumors ke according, Realme X mein humein 6.5 inch ki full HD+ notchless display dekhne ko mil sakti hai, saath hi ismein 3680mAh ki battery expect ki jaa rahi hai. Ismein bhi aapko gradient design ke saath blue aur black color options mil sakte hain.

Maana jaa raha hai ki Redmi bhi apne pop-up selfie camera phone ko launch karne waali hai aur ho sakta hai ki isi se compete karne ke liye Realme ke is smartphone ko bhi May mein bhi launch kiya jaaye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: