Realme A1 Ho Sakta Hai, Realme Ka Next Budget Smartphone, Early 2019 Mein Launch Expected

Oppo ke sub-brand RealMe ne market mein aate hi apne kadam jama liye. Jaisa ki hum sabhi jaante hain ki RealMe aggressive price par powerful specs ke saath smartphones launch karne ke liye jaana jaata hai, jaise ki Realme 1, Realme 2, Realme U1, etc. Jahaan company ka MediaTek Helio P70 ke saath haal hi mein launch hua Realme U1 sucessful raha, wahin jaldi hi company apna naya smartphone market mein launch karne ki planning kar rahi hai. Is smartphone ka naam Realme A1 bataaya jaa raha hai.

Abhi tak RealMe ne koi bhi phone Rs 20,000 se upar ki range mein launch nahi kiya hai. Wahin RealMe A1 ke liye bhi yahi bataya jaa raha hai ki yeh phone bhi affordable range mein hi launch kiya jayega. Is smartphone ki kimat Real me U1 se kam bataayi jaa rahi hai, yaani ki Realme A1 10,000 INR tak ke price par launch ho sakta hai.

Realme ke is price range mein aaye phone bhi achhe features ke saath aaye hain, lekin is upcoming smartphone ke features ko leakr abhi koi update ya information nahin mili hai.  Lekin expect kiya jaa raha hai ki RealMe A1 MediaTek Helio P70 Soc processor ke saath launch kiya jaa sakta hai.

Processor ke alawa budget phone ki range mein yeh phone 2GB ya 3GB RAM ke saath launch kiya sakta hai. Dual rear camera aaj ek trend ban chuka hai aur RealMe ne apne abhi tak ke sabhi phones mein dual rear camera hi diya hai.  To isse expect kiya jaa raha hai ki RealMe A1 mein bhi aapko dual rear camera ka option mil sakta hai. Leaks ki according yeh phone water drop notch display ke saath launch ho sakta hai. Iske alawa is handset ke jo color options bataaye jaa rahe hain, unmein Black and Yellow shaamil hain.

Sources ki according naye saal ki shuraaut mein hi RealMe apna yeh phone RealMe A1 launch kar sakta hai. January ya February 2019 mein iski entry expect ki jaa rahi hai, jiske baad hi humein iske features aur price ke baare mein pata chal sakega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: