Realme CEO Ne Kiya Confirm, Iss Realme Smartphone Ki Price Nahin Hogi Increase

Flipkart Big Diwali Sale ke next day hi Realme ne apne 2 phones ki price mein increment kiya tha, jo ki already rumors mein bane huye the. Realme C1 mein Rs 1,000 ka aur Realme 2 mein Rs 500 ka increment kiya gaya hai. Customers ke liye yeh price hike thodi se unexpected thi kyun ki yeh price hike Diwali ke baad hone wali thi. Jo ki diwali se sirf ek din pehle hi kar di gayi thi. Iss price hike ke baad customers ko lag raha tha ki baaki phones ki price mein bhi izaafaa kiya jaa sakta hai.

Lekin aaj company ke CEO Madhav Seth ne Realme fans ke liye ek suprise announce kiya hai. Realme CEO ke according Realme 2 Pro phone ki price mein koi bhi increment nahi  kiya jaaega aur ye khud unhone apne Twitter account par share kiya hai, is tweet ko aap upar dekh bhi sakte hain.

Realme 2 pro ka base variant 4GB RAM aur 64GB ROM same launch price Rs 13,990 par , 6GB RAM aur 64GB ROM variant Rs 15,990 par aur 8GB RAM aur 128GB ROM variant Rs 17,990 ki price par hi milega.

Budget phone hone ki wajah se yeh phone customer ke beech apni achi image bana chuka hai. Wahi iss phone ki price increment ek minus point saabit ho sakti thi. Realme 2 Pro 6.3 inch ki FHD+ display ke saath aata hai. Iss phone mein primary camera 16MP aur secondary camera 2MP ka milta hai. Wahi front camera 16MP ka diya gaya hai.

Realme 2 pro mein Qualcomm Snapdragon 660 Octa -Core processor diya gaya hai saath hi yeh phone waterdrop notch ke saath aata hai. Phone mein aapko face unlock aur finger print sensor jaise features bhi dekhne ko milte hain. Company ke CEO ne bataya ki aane wale samay mein Realme 2 pro mein update ke saath hi phone mein hone wali battery draining ki problem ko bhi solve kiya jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: