Realme GT Master Edition Ki Full Specification Details Leak Hui

Realme GT Master Edition ka global launch China mein hoga, ye to hum jaan hi chuke hain. Abhi iske launch mein lagbhag ek week baaki hai aur aaj is smartphone ke almost sabhi specs leak ho chuke hain.

Aaj kisi tarah koi internal document leak ho gaya hai jismein is phone ke ley specs ki sabhi details hain aur humein pata chala hai ki GT Master Edition mein Snapdragon 870 aur Snapdragon 778G dono chipsets ka istemaal kiya gaya hai.

Iske alawa company ne khud ye confirm kiya hai ki is phone ke design ke liye bhi unhone Japanese designer Naoto Fukasawa se collaborate kiya hai.

Realme GT Master Edition ke ab tak kayi rumors aaye hain jo alag alag specification set hone ka daawa karte hain. Koi kehta hai ki ye Snapdragon 870 ke saath aayega, kuch other reports kehti hain ki ye Snapdragon 778G ke saath aayega. Lekin aaj leak huye company ke internal documents ke according Realme GT Master Edition ko two editions mein launch kiya jayega jinmein alag-alag chipsets honge.

Inmein Snapdragon 870 processor last year ke flagship chip Snapdragon 865 ka successor hai jabki Snapdragon 778G ka predecessor Qualcomm ka Snapdragon 678G chipset hai.

Realme ne ab tak koi specs confirm nahin kiya hain. Halaanki leaked document mein Realme GT Master Edition ke kayi features saamne aa gaye hain. Ye upcoming flagship smartphone 6.43-inch 120Hz AMOLED display ke saath aa sakta hai. Chipsets ke baare mein aap padh hi chuke hain aur inke saath phone mein 8GB tak ke RAM options aur 256GB tak ke storage options aapko mil sakte hain.

Isi naye leaksed document ke according phone mein 4300mAh ki battery bhi 65W fast charging ke saath aa sakti hai. Iske alawa rear panel par triple rear camera module aur 32MP ka front camera aayega.

TENAA par ise last month dekha bhi gaya hai, ye phone RMX3366 model number ke saath spot kiya gaya hai, jabki doosre phone ka model number RMX3361 ho sakta hai.

Wahin other sources ye bhi kehte hain ki phone mein 6.55 inch ki AMOLED display aa sakti hai aur ismein 4500mAh ki battery aur 12GB tak ki RAM ho sakti hai.

Well, launch ke nazdeek aate aate phone ke baare mein kaafi information aur leaks aa rahe hain. Dekhte hain ki company kise finally kis specification set ke saath launch karti hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: