Realme GT Flash Concept Phone Ke Sabhi Specifications Saamne Aaye

Realme ne 3 August ko MagDart charging event mein two MagDart fast chargers ke saath Realme GT Flash bhi launch kiya hai. Ye phone magnetic fast charging technology ke saath aane waala world ka first Android phone hai. Is phone ki battery details to humein pata hai, lekin ab iski compelet specifications hamaare saamne aa gayi hain.

Aaiye aapko phone ke sabhi features ke baare mein bataate hain.

Sabse pehle to ye ek concept phone hai jismein 4500mAh ki battery hai aur ye 50W MagDart charger ke saath launch hua hai. Ye charger 1 hour se bhi kam mein is phone ki battery ko 0% se 100% tak charge kar sakta hai. Iske alawa ye 65W wired fast charging bhi support karta hai.

Realme GT Flash mein flagship chipset Snapdragon 888 plus moujood hai. Saath hi phone ke performance ko increase karne ke liye ismein LPDDR5 + UFS 3.1 storage di gayi hai.

Camera section ki baat karein to, iske rear camera module mein 50MP primary camera, 50MP secondary camera aur 2MP ka depth sensor fit kiya gaya hai. Phone mein front par 32MP ka selfie shooter Sony IMX615 sensor ke saath diya gaya hai.

Iske alawa Realme GT Flash ke front par 6.7 inch ki Super AMOLED display, Quad HD+ resolution aur LTPO technology ke saath dikhti hai. Ismein bhi adaptive refresh rate support hai jismein aap 1Hz – 120Hz refresh rate ke beech set kar sakte hain.

Chager ki baat karein to MagDart charger 50W power ke saath aayega aur ismein ek active air cooling system hai jo iske mainboard aur coils ke temperature ko control karta hai aur heating issues nahin hone deta hai.

Well, jaise ki humne kaha ye ek concept phone hai. Company aapko nayi MagDart magnetic wireless charging technology ke saath Realme GT Flash jaise features apne aane waale devices mein offer kar sakti hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: