Realme CEO Ne Share Ki Realme X Smartphone Ki Launch Details, Jaldi Hi Hoga India Mein Launch

Iss month Oppo ke sub-brand Realme ne apna pehla notch-less aur pop-up camera wale smartphone Realme X ko launch kiya hai. Abhi tak humein Realme ki taraf se budget smartphones dekhne ko mile. Realme X company ki taraf se aane wala premium smartphone hai jiska intejaar Indian customer launch ke baad se kar rahe hain. Last week Realme India ke CEO Madhav Seth ne bataya tha ki company iss phone ko jaldi hi Indian market mein launch karegi aur aaj unhone phone ke launch ko le kar kuch aur jaankari bhi share ki hai.

Madhav Seth ne bataya ki Realme X ko iss saal ke second half mein India mein announce kiya jaayega.  Yeh phone China mein 2 storage aur 3 RAM variants mein launch kiya gaya hai. Realme X mein 16MP ka pop-up selfie camera diya gaya hai, iske saath hi rear camera 48MP+5MP ka milta hai. Company ki taraf se aane wala yeh pehla smartphone hai jismein in-display finger print scanner diya gaya hai.

 

Yeh phone Snapdragon 710 chipset ke saath aata hai. iss phone mein aapko Color Os 6.0 based Android 9 Pie operating system milta hai. Realme X mein 3765mAh ki battery di gayi hai jo ki VOOC 3.0 fast charging support ke saath aati hai. China mein iss phone ke 4GB/64Gb variant ki price CNY 1499 (Rs 15,000), 6GB/64GB variant ko CNY 1599 (~Rs 16,000) aur 8GB/128GB variant ko CNY 1799 (~Rs 18,000) ki price par launch kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: