Realme CEO Ne Reveal Ki Realme X Ki India Price: Different Specs Ke Saath India Mein Hoga Launch

Realme ne India ke baad, Realme X ke saath China mein bhi apna debut kiya. Saath hi ye Realme ka first smartphone bhi hai, jismein pop-up camera aaya hai. Is handset ko China mein Snapdragon 710 chipset, 8GB tak ki RAM aur full HD+ notchless display ke sath launch kiya gaya hai. Lekin Realme CEO Madhav Seth ne haal hi mein confirm kiya hai ki, India mein is smartphone ko different specs ke saath launch kiya jaa sakta hai.

Realme X ke China version mein 6.53 inch ki full HD+ AMOLED display, Corning Gorilla Glass 5 protection aur Octa Core Qualcomm Snapdragon 710 diya gaya hai. Isi ke saath is smartphone mein Sony IMX586 sensor ke saath 48MP ka camera aur 5 MP ka secondary rear camera moujood hai.

Is smartphone mein 3765 mAh ki battery, VOOC 3.0 fast charging support ke saath di gayi hai, jo ki aapko Realme 3 Pro mein bhi mila tha. Iske alawa ismein selfie fans ke liye 16MPka pop-up camera Sony IMX471 sensor aur f/2.0 aperture ke saath fit kiya gaya hai.

Realme CEO ne is smartphone ke India launch ko bhi jaldi ke liye hi confirm kiya hai aur aaj unhone Twitter par post karke, ye bhi share kiya hai ki India mein Realme X ko kuch alag specs ke saath share kiya jayega, saath hi iska price India mein 18K ke around hoga.

Saath hi Madhav Seth ne ye bhi announce kiya hai, ki India ke liye Realme X ka ek special variant bhi announce kiya jayega, lekin is variant mein kya hoga, ye abhi kehna mushkil hai.

To ab aap bataaiye, ki kya aap RealmeX ke liye excited hain ?

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: