Realme C1 Vs Xiaomi Redmi 6 Detailed Comparison: Dekhein Kismein Kitna Hai Dum

Oppo ke sub-brand Realme ne aaj Realme 2 Pro launch kiya hai, lekin saath hi Realme C1 bhi launch kiya gaya hai, jo ki ek entry-level smartphone hai. Ye kehna galat nahin hoga, ki company ne 6,999 INR ki kimat mein ek entry-level killer handset ko market mein utaara hai.

Lekin jaisa ki hum jaante hain, Realme aur Redmi series ek doosre ke strong competitors hain aur Xiaomi ne bhi isi price range mein, haal hi mein Redmi 6 India mein launch kiya hai, to zaahir hai ki inke beech comparison to hoga hi.

6,999 INR mein Realme C1 ko purchase karne se pehle, kya aap jaanna nahin chahenge ki kewal 1,000 INR extra pay karne par aapko Redmi 6 mein kya mil raha hai.

Aaiye jaante hain ki Realme C1 better hai ya Redmi 6 jyada powerful hai.

Design And Build

Realme C1 mein aapko front par 19:9 display aur upar ek rectangular notch milti hai. Wahin rear panel par dual camera setup hai aur neeche Realme ki branding hai. Realme C1 fiberglass ka bana hai aur us par 2.5D glass finish hai. Is price range mein ye behad attractive design ke saath launch kiya gaya hai. Kahin se bhi aapko ye handset design wise cheap nahin lagega.

Redmi 6 ki baat karein to wo bhi ek compact aur well-built handset hai, lekin plastic ka bana hai. Halanki is plastic ki quality kaafi achhi hai. Ismein bhi aapko 18:9 display diya gaya hai, lekin notch ki kami aapka yahaan zaroor khalegi.

Agar hum apna view dete hain, to design mein Realme C1 kaafi behtar hai. Lekin ismein aapko fingerprint scanner nahin milta, jo ki Redmi 6 ke rear panel par moujood hai.

Display

Redmi 6 mein 5.45 inch ki 18:9 display hai aur Realme C1 mein 6.2 inch ki 19:9 display di gayi hai. Dono hi smartphones mein HD+ resolution hai. Redmi 6 mein aapko 275 pixels per inch dikhte hain, jabki Realme C1 mein pixel density, 271ppi hai. Wahin Redmi 6 display ki sunlight visibility, slightly Realme C1 se better hai.

Is tarah Realme C1 mein aapko display size bada milta hai, lekin thodi si better quality Redmi 6 mein di gayi hai.

Hardware and Software

Realme C1 mein Octa Core Snapdragon 450 chipset hai, jiski performance is price range mein achhi hai. Halaanki heavy apps load hone mein thoda time leti hain, jo ki is price range mein expected hai. Lekin 7,999 INR mein Redmi 6 mein aapko MediaTek ka Helio P22 processor diya gaya hai, jiski performance Snapdragon 450 ke comparison mein achhi hai. In dono chipsets ka comparison aap neeche di gayi video mein bhi dekh sakte hain.

Software ki baat ki jaaye to dono mein Android 8.1 Oreo OS hai, haalanki Redmi 6 mein MIUI 9.6 UI hai aur Realme C1 mein Color OS 5.1 user interface hai. Halaanki Xiaomi ne stock Android se different kuch karne ke liye kaafi customizations ki hain, lekin inmein se kaafi useful hain. MIUI ke saath aapko inbuilt App lock, dual Apps accessibility aur bhi MIUI ke kayi features milte hain.

Wahin Realme C1 ke Color OS 5.1 mein jyada kuch khaas nahin hai. Lekin ye ek early verdict hai aur iske baare mein jyada behtar hum kuch din ke baad hi bata sakte hain.

Camera

Realme C1 mein 13+ 2 MP ka dual rear camera setup hai, jismein aapko bokeh effect support bhi milta hai. Is price range ke according, is camera ke results achhe hain aur ye sharp aur detailed images click karne mein capable hai.

Wahin Redmi 6 mein aapko 12 + 5 MP ka dual rear camera setup diya gaya hai. Daytime mein is camera ke pictures aapko kaafi achhi light, natural colors aur detailing ke saath pictures offer karta hai. Is camera ka portrait mode ke saath shoot kiya photo bhi aapko kaafi pasand aayega.

Well, dono smartphones ke cameras behad achhe hain, lekin kahin n kahin, number aur quality mein Redmi 6 bahut baariki se winner prove hota hai.

Front camera ki baat karein to Redmi 6 aur Realme C1 dono mein hi aapko 5 MP ka camera milta hai aur saath hi face unlock feature bhi moujood hai.

Battery and Pricing Details

Redmi 6 mein 3000mAh ki battery hai, jabki Realme C1 mein 4230mAh ki battery moujood hai. Realme C1 aapko 44 hours ka talktime offer karta hai, jabki Redmi 6 aapko full day ka mixed usage offer karti hai aur uske baad bhi thodi battery bach hi jaati hai.

Storage Options and Pricing Details

Redmi 6 mein aapko 3GB ki RAM aur 32GB ki storage milti hai aur iski kimat 7,999 INR hai. Jabki Realme C1 mein 6,999 INR ke price mein 2GB ki RAM aur 16GB ki internal memory di gayi hai. Redmi 6 Flipkart par coming Thursday dopahar 12 baje available hoga. Realme C1 ko aap 10th October se kharid sakte hain.

Verdict

Realme C1 ko aap ek naye zamaane ka phone keh sakte hain. Is price mein bhi ye aapko premium design aur behtar features ke saath milta hai, lekin storage kaafi kam hai aur option bhi sirf ek hai. Saath hi Realme C1 mein fingerprint sensor nahin hai, sirf face unlock diya gaya hai, jabki Redmi 6 mein aapko ye dono mil jaate hain.

Wahin Redmi 6 mein aapko design pehle jaisa hi milta hai, lekin processor jyada behtar hai aur storage options bhi moujood hain. 3GB+32GB storage ke sath aap ise 7,999 INR mein kharid sakte hain. Wahin iska camera Realme C1 ke mukaable slightly better hai. Iska ek aur version jo 4GB+64GB storage ke saath aayega, 9,499 INR mein available hai.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: