Realme 6 Pro IMDA Certification Par Nazar Aaya, Jaldi Ho Sakta Hai India Mein Launch

Saamne aa rahi khabaron se lag raha hai ki Realme 6 series jaldi hi India mein launch hone jaa rahi hai. Pehle is series ke Realme 6 ki live image aur kuch specs leaks mein bane huye the aur ab Realme 6 Pro naam ka phone Thailand ki certification site IMDA par spot kiya gaya hai. Isi ke saath ye handset Indian certification site BIS par bhi approval leta nazar aaya hai.

Is phone ko RMX2061 model number ke saath dekha gaya, saath hi IMDA ke through ye bhi clear ho chuka hai ki ye ek 4G smartphone hai.

Filhaal is handset ke specs ko lekar koi bhi khabar nahin hai, lekin is series mein ‘Pro’ moniker bhi hoga ye IMDA ke through saaf ho gya hai. Wahin BIS certification ke dauraan phone ke baare mein koi bhi khabar saamne nahin aa payi.

Lekin expect kiya jaa raha hai ki Realme 6 Pro mein company center mein punch-hole selfie camera de sakti hai aur haal hi mein launch huye Realme C3 ki tarah ismein bhi aapko realme UI based Android 10 software mil sakta hai.

Well, ab naam to saamne aa gaya hai, ummid karte hain ki iske other leaks bhi hum aapke saath jaldi hi share karein.   

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: