Realme 6 Ke Retail Box Ki Image Leak, Kuch Features Bhi Aaye Saamne

Realme 5 series ke two phones India mein launch ho chuke hain aur Realme 5s bhi jaldi hi aane wala hai. Inke baad ab lagta hai ki company ne Realme 6 series ki taiyaari bhi shuru kar di hai. Darasal aaj pehli baar Realme 6 se judi koi khabar hamaare saamne aayi hai.

Realme 6 ke retail box ki first image yak eh sakte hain ki box ki teaser image leak hui hai. Teaser humne isliye kaha kyunki is tasveer mein poora retail box nazar nahin aa raha hai. Is image ko aap neeche dekh sakte hain.

Slashleaks ke through ye image saamne aayin hain aur inmein kuch features bhi reveal huye hain. Is par aap dekh sakte hain ki saaf saaf likha hai ki Realme 6 penta camera setup ke saath aane waala hai. Yaani ki Realme 6 mein five rear cameras honge.

Yahaan par ye ek acchi baat hai ki Realme 5 mein Snapdragon 665 ke mukaable Realme 6 mein Snapdragon 710 processor ke saath aapko ek accha upgrade milega. Iske alawa Realme ke Realme 3 Pro & Realme X mein bhi Snapdragon 710 hi moujood hai.

Well Realme 6 ke launch abhi kuch waqt hai, kyunki company is month Realme X2 Pro & December mein Realme XT 730G ko India mein launch karne waali hai. Saath hi Realme 5s ke leaks se bhi yahi zaahir hai ki December tak company use bhi launch kar sakti hai, to Realme 6 ke liye abhi humein thoda intezaar karna hoga. Tab tak is phone ke upcoming leaks ke liye aap hamaare saath bane rahiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: