Realme 6 Ka Pricing Details & Live Images Leak Hui, Early 2020 Mein Hoga Launch

Realme kaafi speed mein aage badh raha hai. Isi month mein company India mein Realme X2 Pro ko launch karne waali hai aur December mein Realme XT 730G India mein entry lega. Saath hi lagta hai company Realme 6 par bhi tezi se kaam kar rahi hai. Is handset ke retail box ki image kuch hi din pehle leak ho chuki hai aur iski live images aur price bhi leak hua hai.

Realme 6 ke retail box ke leaked image se ye khabar saamne aayi thi ki ye handset five rear cameras ke saath launch kiya jayega aur ise power dene ke liye Qualcomm ka Snapdragon 710 SoC moujood hoga. Lekin aaj iski jo price leak hui hai, usse aapko thodi hairaani zaroor hogi.

Weibo par ek tipster ne is handset ki images leak ki hain, jismein aap punch-hole selfie camera bhi dekh sakte hain, jo ki center mein hai aur saath hi iski price bhi bataayi hai jo ki lagbhag RMB 1,000 (approx. 10,000 INR) hogi. Agar ye smartphone is price par launch hota hai, to 10K mein Snapdragon 710 aur penta cameras ke saath aane waala ye first smartphone hoga.

Well images mein aap dekh sakte hain ki full view display ke saath bezels thin hain, lekin neeche diya gaya bezel thoda thick hai. In live images ko dekhkar ye andaaza lagaaya jaa sakta hai ki ye phone abhi testing phase mein hai. Saath hi ColorOS icon bhi nazar aa raha hai. Iske alawa ek phone mein settings page open zaroor dikh raha hai, lekin koi bhi specs saamne nahin aaya hai.

Yahaan par ye to saaf hai ki Realme 5 ke successor mein aapko kaafi acche upgrades milne waale hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: