Realme 5s Ko Mila BIS Approval, Affordable Price Ke Saath India Mein Jaldi Hoga Launch

Realme 5 series mein company jaldi hi third phone launch kar sakti hai, jo ki Realme 5s hoga. Realme 5s ko India ke Bureau Of Indian Standards (BIS) se haal hi mein approval mila hai. Is handset se pehle isi series mein company Realme 5 & Realme 5 Pro ko India mein launch kar chuki hai.

Is phone ko BIS ne RMX1925 model number ke saath approval de diya hai aur ab certifications ke baad lagta hai ki company is handset ko India mein bahut jaldi launch kar degi. Iske alawa company Realme X2 Pro ko bhi November 20 ko India mein launch karne waali hai. Saath hi Realme XT 730G bhi December 2019 mein India mein launch ke liye lineup hai.

 

Maana jaa raha hai ki Realme 5s company ka entry-level smartphone hoga, jo ki Realme 5 ka upgraded version ho sakta hai. Lekin iske alawa other rumors ye bhi kehte hain ki ye Realme 5s, Realme 5 se cheaper hoga aur ismein specs bhi uske mukaable kam milenge.

Realme 5 India mein HD+ display, Octa Core Snapdragon 665 chipset, 12+8+2+2 MP quad rear camera setup jaise features ke saath launch hua hai. Lekin Realme 5s ke specs ko lekar abhi koi khabar nahin hai.

Halaanki ise Thailand ke NBTC se bhi certification mil chuka hai aur launch bhi bahut kareeb hai, to iske specs ko lekar leaks ab jaldi hi internet par nazar aayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: