Realme 5G Phone 2019 Mein Hi Hoga India Mein Launch; Company CEO Ne Kiya Confirm

Oppo, OnePlus, Samsung jaisi big brands ke baad, aaj Realme ke bhi apne 5G phone ki announcement kar di hai. Realme India ke CEO ne khud is news ko confirm kiya hai ki wo 2019 mein hi apne 5G phone ko globally announce karenge.

Madhav Seth ke bataaya ki jaise ki India mein 5G network ready honge, wo apna 5G smartphone India mein roll out karenge.

Twitter par is news ko post karte huye Realme India CEO Madhav Seth ne, Realme Founder Mr. Sky Li ke saath ek picture bhi post ki hai. Yahaan tweet karte huye unhone hashtag ke saath likha hai, #5GisReal.

Haal hi mein China mein launch hua Realme X bhi India mein Q2 mein aane waala hai. To kya hum maan sakte hain ki company isi phone ka ek 5G variant launch karegi ya phir wo kisi naye handset ko launch karne ka plan kar rahi hai. Lekin, itna to confirm hai ki Redmi ke Snapdragon 855 phone ka compete karne ke liye, Realme ke is phone mein Snapdragon 855 ke saath Snapdragon X50 modem hoga aur company is 5G phone ki testing bhi shuru kar chuki hai. Saath hi Mr. Seth ne kaha hai ki wo jaldi hi India mein best of technology laane ki taiyaari mein hain.

Iske alawa kuch rumors ka ye bhi kehna hai ki Realme ke is 5G phone ko company ‘Pro’ moniker yaani ki Realme X Pro naam se bhi launch kar sakti hai.

Well, is news ke baare mein aapka kya kehna hai, comments section mein aap bhi is par apna opnion de sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: