Realme 5 Series Hogi Flipkart Exclusive; Geekbench Par Specs Huye Reveal

Realme already apni 64MP camera technology ko India mein showcase kar chuka hai aur saath hi company ne ye bhi announce kiya ki wo jaldi hi quad yaani ki four rear cameras ke saath two smartphones launch karne waale hain. Well, Flipkart par Realme 5 Pro ke teasers live hain, jinhein aap neeche is article mein dekh sakte hain. Saath hi Realme 5 ko bhi launch kiya jayega.

Iske alawa is smartphone ke kuch specs aaj Geekbench benchmarking site par bhi nazar aaye. Saamne aaye teasers mein hum ye dekh chuke hain ki Realme 5 Pro four rear cameras ke saath aayega aur ismein main camera 48MP ka hoga jo ki sony IMX586 sensor ke saath fit kiya jayega. Yahaan par aapka ye jaan lena zaroori hai ki Realme 5 series ka koi bhi phone, 64MP camera ke saath abhi launch nahin kiya jaa raha hai.

Iske alawa ismein aapko rear mounted fingerprint sensor mil sakta hai, jise aap neech video mein dekh sakte hain.

Yahaan par four cameras hain, jinmein ek primary camera Sony sensor ke saath aayega, ek 119 degree wide angle lens hai , ek camera macro shots ke liye aur ek portrait shots ke liye hoga.

Geekbench par jo specs saamne aaye hain, unmein regular Realme 5, Realme RMX1911 model number ke saath nazar aaya hai aur ismein 4GB RAM hogi, saath hi ye Snapdragon 665 chipset ke saath launch kiya jayega. Iske alawa ismein ColorOS 6, Android 9.0 Pie OS par based hoga.

Realme 5 ki Geekbench listing mein 1525 points single core test mein score kiye hain aur iska multi-core score 5498 hai.

India mein is handset ko 20th August ko launch kiya jaa sakta hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: