Realme 4 Smartphone ki Leak Video Youtube Par Aayi Saamne

Oppo ke sub-brand Realme ke upcoming smartphone Realme 4 ki ek leak video aaj saamne aayi hai. Iss video ko Angry Agarwalji Youtube channel par dekha gaya hai. Iss 10 Second ke video mein phone ke specifications ke baare mein koi jaankari nahi di gayi hai. Haalanki abhi tak company ne yeh video real hai ya nahi, iss bare mein koi reaction nahi diya hai. Iss video ko aap neeche dekh sakte hain.

Iss vidoe ke alawa twitter par bhi ek leak render ko dekh gaya hai jis mein iss phone ka rear panel dekha jaa sakata hai. Phone ka panel kaafi had tak Realme 2 ki tarah dikhai de raha hai. Company ne kuch samay pehle hi India mein Realme 3 aur Realme 3 Pro launch kiya tha. Iske alawa Realme X ko bhi company ne last month China mein announce kiya hai, jo ki company ki taraf se aane wala pehla pop-up selfie camera wala smartphone hai.

 

Leaked video mein Realme 4 ka retail box grey color mein dikhai de raha hai, jis par golden color se 4 likha hua dekha jaa sakta hai. Baat karein Realme 3 smartphone ki to iss phone mein company ne MediaTek Helio P70 chipset ko use kiya hai. Yeh phone waterdrop notch display, finger print scanner aur dual rear camera ke saath aata hai. Iss phone mein 4230mAh ki battery di gayi hai. Wahin iss phone ke Pro variant mein aapko Qualcomm Snapdragon 710 Octa core processor diya gaya hai. Expect kiya jaa raha hai ki company Realme 4 mein triple rear camera setup de sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: