Realme 3 Vs Redmi Note 7 Vs Galaxy M20 Detailed Comparison

Realme 3 ko Indian market mein launch kar diya gaya hai aur 8,999 INR ke price ke according ismein specs bhi achhe hain, lekin wahin lagbhag isi price range mein Redmi Note 7 bhi aapko achhe features aur performance offer karta hai. Saath hi Samsung ke last month launch huye Galaxy M20 ki price range bhi yahi hai aur specs bhi kuch similar hain.

Ab 10K ki price range mein ye sabhi behtar hain aur ek doosre ke strong competitors bhi. Well, sabmein thoda bahut difference bhi hai, to aaiye jaante hain ki Realme 3, Redmi Note 7 aur Galaxy M20 ki takkar mein kaunsa sabse behtar budget phone rehta hai.

 

Design And Build Quality

Realme 3 mein company ne glassy look dene waali plastic ka use kiya hai. Saath hi rear panel kaafi glossy hai aur light padne par glittery look bhi deta hai. Dual rear cameras ke saath peeche ki taraf rear mounted fingerprint sensor bhi hai aur neeche ki taraf Realme ka logo hai. Company is smartphone ke design ko next-gen 3D unibody gradient design ka naam deti hai. Power button right par hai, volume rocker left par. Wahin audio jack, micro USB port aur speaker ko bottom edge par place kiya gaya hai.

Realme 3 ka design achha hai, lekin Redmi Note 7 ka design isse better hai, kyunki yahaan par glass jaisi dikhne waali plastic nahin, balki actual glass ka hi use kiya gaya hai. Saath hi company ne yahaan front aur rear panels par aapko Corning Gorilla Glass 5 ki protection di hai. Iske alawa dual rear cameras aur rear mounted fingerprint sensor back par hi hain aur ye bhi waterdrop notch ke saath hi aata hai.

Redmi Note 7 ka design aapko ek expensive phone ki feel zaroor de sakta hai.

Isi price range mein launch huye Galaxy M20 mein bhi aapko gradient finish rear panel aur waterdrop notch milte hain. Lekin yahaan bhi polycarbonate body hi aapko di gayi hai aur ek standard design hai, hum keh sakte hain ki design mein company kuch aur behtar  kar sakti thi.

Look wise yahaan par Redmi Note 7 hi clear winner hai, kyunki uska design top-end smartphones ka feel deta hai, aur kaafi attractive hai. Lekin in teenon hi smartphones mein smudges aur fingerprints aasaani se aate hain aur slippery bhi hain, to hum aapko protective case use karne ka advice zaroor denge.

Display

Realme 3 mein company ne aapko 6.2 inch ki HD+ display offer ki hai, wahin Redmi Note 7 mein aapko full HD+ display milti hai aur Galaxy M20 mein bhi 6.3 inch ki full HD+ Infinity-V display hai.

Samsung ne yahaan par AMOLED nahin balki TFT display panel ka use kiya hai, phir bhi display kaafi achhi performance de rahi hai, wahin Redmi ne apne is budget phone mein LTPS in-cell display di hai, jo ki aapko normal LCD panels ke mukaable achhe colors, brightness aur viewing angles deliver karta hai.

Yahaan par Realme 3 ke mukaable Redmi Note 7 aur Galaxy M20 ki displays jyada better hain. Lekin Redmi Note 7 mein MIUI 10 ke saath aap display ki settings ko apne according aur bhi customize kar sakte hain.

 

Hardware and Software

Chipset, budget phones ka wo part hai, jis par ek customer sabse jyada dhyaan deta hai aur performance hi phone kharidne ka primary factor hota hai. Redmi Note 7 mein company ne Snapdragon 660 chipset diya hai, halaanki ye chipset latest nahin hai, lekin iski performance kaafi achhi hai aur sabse badi baat ye hai ki ye ek mid-range chipset hai, jise Redmi apne 10K price range mein aane waale smartphone mein offer kar raha hai. Snapdragon 660 ki performance achhi hai aur ise kayi baar test bhi kiya jaa chuka hai, ismein abhi tak ismein koi lags ya kisi bhi tarah ki complaint nahin aayi hai.

Isi tarah Realme 3 mein aane waala Octa Core MediaTek Helio P70 12nm chipset bhi kaafi achha performer hai aur AnTuTu benchmarking score par SD660 aur Helio P70 mein jyada fark nahin hai. Chipset ko dekhte huye aap dono mein se koi bhi phone choose kar sakte hain.

Lekin Galaxy M20 mein Octa Core Exynos 7904 hai. Ye Samsung owned chipset hai, lekin iska performance itna achha bhi nahin hai. Agar aap ek basic ya moderate user hain, to aap ise kharid sakte hain. Lekin agar aapko smartphone games, videos, etc. ke liye hi chahiye to aapko Redmi Note 7 ya Realme 3 ki taraf jaana chahiye.

Software

M20 mein aapko Android 8.1 Oreo OS milta hai, jis par Experience UX 9.5 interface hai. Yahaan par aapko kaafi features aur easy customization milti hain. Single swipe ke saath app drawer, good animations, Game launcher aur Samsung Max jaisi pre-loaded and safe apps bhi aapko milti hain.

Wahin Realme 3 mein Android 9.0 Pie OS ke saath Colors OS 6.0 hai. Halaanki Color OS ko kuch khaas pasand nahin kiya gaya hai, lekin is baar ye thoda improved hai. Is baar ye interface apne pichle phones ke mukaable mein, Realme 3 mein smooth aur easier hai.

Wahin Redmi Note 7 mein Android Pie ke saath MIUI 10 hai. Well, MIUI 10 ke saath yahaan aapko kaafi customization karne ka mauka milta hai. Quick toggles, single swipe brightness option aur bhi kayi features ke saath Redmi Note 7 ka software better hai.

Camera

Redmi Note 7 mein 48 MP to nahin hai, lekin company ne yahaan 12+2 MP ka camera setup diya hai. Wahin Realme 3 mein 13+2 MP ke dual rear cameras hain. Primary rear camera f/1.8 aperture aur LED flash ke saath aata hai, aur 2 MP ka depth focus ke liye hai. Daylight mein aap kaafi achhi pictures click kar sakte hain. Detailing bhi aapko decent amount ki milti hai. Wahin is 13 MP front camera ka result bhi achha hai.

Redmi Note 7 mein Sony IMX486 sensor aur f/2.2 aperture diya gaya hai. Is smartphone ka camera result bhi achha hai. Front par yahaan bhi aapko 13 MP ka camera milta hai.

Wahin Galaxy M20, camera ke maamle mein in dono smartphones se peeche hai. Lekin yahaan bhi 13 MP primary camera aur 5 MP ultra wide angle camera ke saath aapko daylight mein elegant pictures milti hain, detailing bhi achhi hai. Lekin front camera yahaan sirf 8 MP ka hai aur Realme 3 aur Remdi Note 7 ke mukaable utna achha perform nahin kar paata hai.

 

Battery

Well, yahaan par aap log jaante hi honge ki Samsung ke Galaxy M20 mein 5000mAh ki giant battery di gayi hai, jismein fast charging support bhi hai. Wahin Realme 3 mein 4230mAh ki battery hai aur Redmi Note 7 mein 4000mAh ki battery moujood hai.

Lekin Redmi Note 7 mein aapko Qualcomm Quick Charge 4.0 fast charging support diya gaya hai.

Galaxy M20 ki battery badi hai, lekin 15W ke charger ke saath ye thoda slow charge ho paata hai, jabki Redmi Note 7 mein aap 18W ka charger purchase kar Quick Charge 4.0 support le sakte hain.

Conclusion

Yahaan par aap dekhein to Realme 3 mein Realme U1 ke mukaable, kuch khaas difference nahin hai, lekin jahaan Realme U1 ka starting price 11,999 INR thi, wahin Realme 3 ki price sirf 8,999 INR hai, jo ki ek bada difference hai aur is price mein MediaTek Helio P70 chipset ke saath Realme 3 ek achha option hai. Wahin Redmi Note 7 ka look inmein sabse achha hai aur saath hi dono taraf Corning Gorilla Glass 5 bhi hai aur 9,999 INR ki starting price par aapko Snapdragon 660 chipset aur full HD+ display jaise features mil rahe hain.

Wahin Samsung Galaxy M20 ki display kaafi achhi hai, saath hi ye phone aapko ek kaafi badi battery ke saath mil raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: