Realme 3 Pro Vs Redmi Note 7 Pro Detailed Comparison: The Battle Of Pros

Aaj Realme ne finally apna new aur most awaited smartphone Realme 3 Pro India mein launch kar diya hai. Well, is smartphone ko company ne seedhe seedhe Redmi Note 7 Pro ki takkar mein utaara hai aur saath hi best features ke saath aggressive price par launch kiya hai. Zaahir hai ki  same price par available in dono smartphones mein log kaafi confuse ho sakte hain aur dono hi kaafi achhe phones hain bhi. Lekin waakyi mein kaun jyada behtar hai, ye to ek detailed comparison ke baad hi pata chal sakta hai. Aaiye shuru karte hain, Realme 3 Pro aur Redmi Note 7 Pro ka detailed comparison.

Design

Realme 3 Pro ko company ne polycarbonate yaani ki plastic body ke saath design kiya hai aur aage ki taraf ismein bhi aapko Corning Gorilla Glass 5 protection hi milti hai. Wahin Redmi Note 7 Pro mein complete glass body hai, ismein aapko front aur rear dono taraf Corning Gorilla Glass 5 milta hai, jabki beech mein plastic frame hai. Is handset ko haath mein pakadne par aapko premium feel milti hai, lekin saath hi ye ek flat aur slippery device bhi hai. Wahin Realme 3 Pro mein curved design hai, ye lightweight bhi hai aur apne competitor Redmi Note 7 Pro ke mukaable thoda slim bhi hai.

Premium device hone ke saath saath Redmi Note 7 Pro mein aapko USB Type-C port milta hai, jabki Realme 3 Pro mein micro USB port hai. Lekin Redmi Note 7 Pro mein camera bump kaafi jyada hai, jisse phone ko kahin bhi rakhe par camera mein scratches ke chances hain, wahin Realme 3 Pro mein ye kami nahin hai.

Overall dono hi smartphones ka design achha hai, lekin Redmi Note 7 Pro mein thoda sa premium feel hai, jabki Realme 3 Pro ek lightweight aur comfortable to hold device hai.

Display

Realme 3 Pro mein 6.3 inch ki full HD+ IPS 2.5D curved glass display hai aur Redmi Note 7 Pro mein bhi 6.3 inch ki full HD+ 2.5D curved glass display hai. Dono smartphones mein Corning Gorilla Glass 5 protection bhi hai aur saath hi dono mein waterdrop notch bhi di gayi hai. Display quality in dono smartphones ki barabar hai, lekin Xiaomi ke MIUI mein aapko display color customization ke options jyada milte hain. Otherwise dono hi phones ki displays ki quality achhi aur similar hai.

Processor

Redmi Note 7 Pro ko Octa Core Snapdragon 675 chipset ke saath launch kiya gaya hai, lekin Realme 3 Pro yahaan par ek kadam aage hai, ismein aapko Octa Core Snapdragon 710 chipset milta hai. Agar hum day to day usage ki baat karein, to dono bilkul same performance denge aapko inmein koi bhi fark maaloom nahin hoga.

Lekin Realme 3 Pro aur Redmi Note 7 Pro detailed comparison mein, agar hum gaming ki baat karein to, Realme 3 Pro jyada smooth performance deta hai aur saath hi ismein Fortnite game ka direct support hai. Wahin Redmi 3 Pro mein bhi aap sabhi games smoothly khel sakte hain, lekin phir bhi Snapdragon 710 chipset ke saath gaming performance Realme 3 Pro mein aur jyada improved hai. Wahin Redmi Note 7 Pro mein abhi tak Fortnite support nahin hai.

Software

Dono hi smartphones mein Android 9.0 Pie OS diya gaya hai, lekin Realme 3 Pro mein iske saath Color OS hai, jabki Redmi Note 7 Pro mein MIUI 10 interface moujood hai. Humaare opinion ke according, MIUI 10 jyada better hai aur jyada behtar design aur customization options ke saath aata hai, jabki Color OS mein aapke paas itne options nahin hote. Lekin ye ek humaara point of view hai, bahut se log aise ho sakte hain, jinhein Color OS bhi pasand aaye.

Camera

Redmi Note 7 Pro mein 48MP ka primary shooter hai, Sony IMX586 sensor, LED flash light aur f/1.79 aperture ke saath aata hai, saath hi depth focusing ke liye yahaan 5 MP ka secondary camera hai. Realme 3 Pro mein 16 MP ka primary camera Sony IMX519 sensor aur f/1.7 aperture ke saath diya gaya hai aur secondary camera iska bhi 5 MP ka hi hai. Lekin Realme 3 Pro mein aapko yahaan par Ultra HD mode milta hai, jiske saath aap 64 MP tak ke shots le sakte hain, jabki Redmi Note 7 Pro mein kewal aap 48 MP tak ke pictures le sakte hain. Saath hi Realme 3 Pro ki low light photography Redmi Note 7 Pro se better hai, jabki daylight ke shots abhi tak Redmi Note 7 Pro mein achhe aate hain.

Wahin Realme 3 Pro aane waale samay mein aur behtar images click kar payega, kyunki software mein aapko kuch camera improvement aane waale samay mein mil payengi.

Iske alawa selfie pictures bhi aap Realme 3 Pro ke 25 MP AI camera se jyada behtar le sakte hain, jabki Redmi Note 7 Pro mein aapko 13 MP ka selfie camera diya gaya hai.

Dono smartphones ke camera ko aur achhe se jaanne ke liye aap neeche diye gaye camera samples dekh sakte hain.

Realme 3 Pro 64MP & Redmi Note 7 Pro 48MP

Seflies

Battery

Realme 3 Pro mein 4050mAh ki battery hai, jo ki Oppo ki VOOC fast charging technology ke saath di gayi hai aur sabse bada plus point ye hai ki, fast charger aapko box ke saath hi milta hai. Jabki Redmi Note 7 Pro mein 4000mAh ki battery hai aur ye bhi Qualcomm ki Quick Charge 4.0 support ke sath aati hai, lekin yahaan par aapko fast charger alag se purchase karna padega, kyunki box ke saath aane waala, fast charger nahi hai.

Storage Options & Pricing Details

Realme 3 Pro

  • 4GB RAM + 64GB internal memory – 13,999 INR
  • 6GB RAM + 128GB internal memory – 16,999 INR

Redmi Note 7 Pro

  • 4GB RAM + 64GB internal memory – 13,999 INR
  • 6GB RAM + 128GB internal memory – 16,999 INR
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: