Realme 3 Pro, Snapdragon 710 Chipset Ke Saath India Mein Launch Hua; Price, Specifications & More

Realme 3 Pro finally Delhi University mein ek launch event ke dauran launch kiya gaya hai. Is smartphone mein Carbon Gray, Nitro Blue aur Lightning Purple color options available honge. Ye ek Flipkart exclusive smartphone hai, jise Flipkart ke saath saath realme.com se bhi aap purchase kar sakte hain. Iski sale 29th April se start hogi.

Saath hi company ne ek pop-up sale bhi announce ki hai jo 27th April ko shaam 4.30pm par Delhi ke Pacific Mall mein organize ki jayegi, jahaan users phone ka experience kar use kharid sakenge.

Realme 3 Pro ki highlight hai, ismein diya gaya Octa Core Qualcomm Snapdragon 710 processcor, jiske dual Kryo cores ki clock speed 2.2 GHz hai aur other hexa cores ki clock speed 1.7 GHz hai, sath hi ismein Adreno 616 GPU moujood hai.

Iske alawa Realme 3 Pro mein bhi Redmi Note 7 Pro ki hi tarah 6.3 inch ki full HD+ display, Corning Gorilla Glass 5 protection ke saath di gayi hai. Ismein bhi company ne two storage options launch kiya hain – 6GB RAM ke saath 128GB ROM aur 4GB RAM ke saath 64GB inbuilt memory, jise aap additional 256GB tak microSD card slot ke saath extend kar sakte hain.

Is dual SIM based smartphone mein company ne 4045mAh ki battery fit ki hai, jo ki VOOC 3.0 fast charging ke saath aayegi. Ye aapko smartphone ko kewal 60 minutes mein 92 percent tak charge kar sakta hai aur 5.5 hours ka talk time aur 65 hours ka standby time provide karta hai.

Ab baat karte hain camera section ki, Realme 3 Pro mein 16 MP ka primary rear camera hai, jo ki LED flash light, Sony IMX519 sensor aur f/1.7 aperture ke saath aata hai, wahin secondary camera 5 MP resolution, 960 fps super slo-mo aur f/2.4 aperture ke saath aayega. Is smartphone mein 25 MP ka selfie shooter aapko milta hai.

Is smartphone ke rear panel par aap gradient design dekh sakte hain aur saath hi center mein fingerprint scanner bhi moujood hai.

Is smartphone ke 4GB+64GB version ko 13,999 INR aur 6GB+128GB variant ko 16,999 INR ke price par kharida jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: