Realme 3 Pro ki Launch Date Announce Hui, Isi Month Delhi University Mein Hoga Launch

Last month Realme 3 ke launch event par company ne announce kiya tha, ki wo jaldi hi Realme 3 Pro ko bhi launch karegi aur apne promise ko barkaraar rakhte huye, Realme 3 Pro ki launch date aaj announce kar di gayi hai.

Isi week ke starting se company ke CEO, Madhav Seth ne Realme 3 Pro ko tease karna aur promote karna start kar diya tha. Saath hi unhone Twitter account par Realme 3 Pro se li gayi kuch selfies bhi share ki. Iske alawa ek aur teaser tweet bhi saamne aaya, jismein likha tha ki apni price range mein aane waala ye first smartphone hoga, jismein “Fortnite” game ka direct support hai.

Aur aaj in sabke baad, company ne invite bhi share kiya hai, jismein bataaya gaya hai, ki Realme 3 Pro ko 22nd April ko Delhi University mein launch kiya jayega. Is smartphone mein bhi aapko 48 MP ka primary camera aur 25 MP ka selfie shooter mil sakta hai. Iske alawa Madhav Seth ne Realme 3 Pro ke jo camera samples share kiye us article mein aap camera quality bhi dekh sakte hain.

Aaj saamne aaye invite mein tag line di gayi hai “Speed Awakens”, jo ki seedhe seedhe phone ki performance ko highlight karti hai. Yaani ki yahaan par aapko Snapdragon 675 ya usse bhi behtar koi chipset company dene waali hai.

Well, iske alawa hum expect kar rahe hain ki launch se pehle is smartphone ki kuch aur leaks bhi saamne zaroor aayengi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: