Realme 3 Pro Ke Sabhi Specifications Saamne Aaye; Snapdragon 710 Chipset Ke Saath Hoga Launch

Kal Twitter par teaser reveal karne ke baad, Realme 3 Pro ko aaj Geekbench par spot kiya gaya. Is benchmarking site par ye upcoming Realme phone kuch naye features ke saath nazar aaya hai. Aaiye aapko bataate hain ki kaun si specifications yahaan saamne aayi hain.

Sabse pehle aur sabse bada feature jo saamne aaya hai, wo ye hai ki Realme 3 Pro mein Octa Core Qualcomm Snapdragon 710 chipset aane waala hai. Iske alawa is smartphone ko lekar CEO Madhav Seth ne Twitter par ek teaser bhi share kiya tha, jismein ye handset Fortnite Mobile Game ko 60 frames per second ki speed se paly karta dikhaaya hai.

Iske alawa Realme 3 Pro mein 6GB ki RAM aane waali hai. Saath hi aap second image mein dekh sakte hain ki yahaan par kuch aur specs bhi nazar aa rahe hain, jinmein 6.3 inch ki full HD+ display, 3960mAh ki battery, 5G aur Wi-Fi support shaamil hain.

Kuch din pehle Realme 3 Pro ke jo camera samples aaye hain, unse ye bhi clear hai ki is handset mein 12 MP se jyada ka selfie camera hoga, expect kiya jaa raha hai ki ye 25 MP ka ho. Iske alawa ismein bhi aapko Redmi Note 7 Pro ki tarah 48 MP ka primary rear sensor mil sakta hai.

Is handset mein Android 9.0 Pie OS ke saath Color OS 6.0 diya jaane waala hai aur ye April 22 ko Delhi University mein dopahar 12.30 par launch hone jaa raha hai. Iski price bhi humein launch par hi pata chalegi, lekin ye Redmi Note 7 Pro ka strong competitor hai, to maana jaa raha hai ki, iski price segment mein hi launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: