Realme 3 Pro Ke Pre-Order Ke Liye Company Ne Announce Ki Blind Order Sale

Realme 3 Pro smartphone ke liye Realme fans mein excitement bhadti dikhai de rahi hai, jiske chalte company ne apne fans ke liye blind order sale ko organise kiya hai. Yeh sale 19th April ko 00:00Hrs par shuru ki jaayegi. Iss sale mein company users ko R-pass provide karegi. Yeh R-pass ek tarah ka unique code hoga, jo ki sure karega ki users ko sale ke duaraan smartphone jarur mile. Company ne total 5000 R-passes issue kiye hain jo ki first come first serve ki policy par distribute kiye jaayenge.

 

Yeh phone India mein 22nd April ko launch hone wala hai. Company ke CEO Madhav Seth iss launch ko le kar kaafi excited hai. Haal hi mein unhone Delhi University ke students ke saath kuch pictures apne twitter handle par bhi share ki hain jo ki Realme 3 Pro se li gayi hain. Saath hi aapko yeh bhi bata dein ki yeh phone Delhi University ke campus mein launch kiya jaayega. Madhav Seth ne apne ek latest tweet mein yeh bhi bataya hai ki yeh phone 10 min ki charging par 5 hours ka talk time provide karega. Saath hi iss phone mein behtareen slow motion bhi dekhne ko mil sakta hai.

 

Iske alawa iss phone ki sale 29th April shuru ki jaayegi. Woh sabhi customers jinke pass R-pass available honge unke pass apne pasand ka color aur variant choose karne ka mouka bhi hoga. Realme 3 Pro ko pre-order karne ke liye user ko Realme.com ki official website par jaa kar login aur registration karna hoga. Registration successful hone par kuch random users ko R-pass provide kiye jaayenge. Yeh phone Flipkart Exclusive hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: