Realme 3 Pro Is Coming In April: Confirmed

Aaj Realme ne Realme 2 ke successor Realme 3 ko India mein launch kiya hai. Lekin saath hi company ne Realme 3 Pro ki bhi announcement kar di hai. Halaanki specs ya other details reveal nahin kiye gaye hain, lekin CEO Madhav Seth ne bataaya hai ki Realme 3 Pro ko next month yaani ki April 2019 mein India mein launch kiya jayega.

Saath hi ye bhi bataaya gaya ki Realme 3 Pro, haal hi mein launch huye Xiaomi Redmi Note 7 Pro ka competitor hoga. Well, agar company khud ise Redmi Note 7 Pro ka competitor bata rahi hai, to expect kiya jaa sakta hai ki ismein 48 MP primary rear camera moujood ho.

Iske alawa ye bhi expected hai ki company yahaan MediaTek Helio P90 ya phir Snapdragon 675 mein se koi ek chipset offer kare. Saath hi aaj stage par Realme CEO ne upcoming Realme 3 Pro ko ye kehkar tease kiya hai ki is smartphone mein aapko fast speed milegi, jisse better chipset ki expectation aur bhi badh jaati hai.

Well, company ne koi launch date announce nahin ki hai, lekin hopefully mid-April tak hum Realme 3 Pro ka launch expect kar sakte hain. Ab ye phone waakyi mein Redmi Note 7 Pro ka competitor ban paayega ya nahin, ye to is smartphone ke launch ke samay hum apko ek detailed comparison mein bata hi denge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: