Realme 3 ki India Launch Date Announce Hui: Power Your Style

Smartphones ki maano, bahaar si aa gayi hai. Jahaan Samsung apni Galaxy A-series lane waala hai, Xiaomi bhi Redmi Note 7 India mein launch karne jaa raha hai. Oppo bhi pop-up selfie camera ke saath apna phone Indian market mein utaarne waala hai. To phir aise mein Realme kaise peeche reh sakta hai. Haal hi mein company ne Realme 3 ka first teaser share kiya aur aaj launch date bhi announce kar di hai.

Company ke CEO, Madhav Seth ne, Realme 3 ki launch date announce karne ke liye Twitter ka sahara liya hai, unhone apne social media account ke through Realme 3 ki launch date reveal kar di, jo ki 4th March hai. Ji haan! Aap sahi padh rahe hain, 4th March ko hi Realme 2 ka successor saamne aayega. So, 10 Days To Go.

Company ne is upcoming smartphone ka media invite share kiya, jismein tag line hai, “Power Your Style”. Jabki Realme3 ko power dene ke liye MediaTek Helio P70 processor moujood hoga. Is chipset ko company last year apne Realme U1 mein bhi use kar chuki hai.

 

Realme 1 aur Realme 2, dono ko hi 8,990 INR ke starting price par launch kiya gaya tha, expect kiya jaa raha hai ki Realme 3 ko bhi isi tarah competitive price par market mein utaara jaaye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: