Realme 3 Ke Saath Company Launch Kar Sakti Hai Realme 3 Pro Ko Bhi

Oppo ke sub-brand Realme ne apne next phone Realme 3 ki India launch date disclose kar di hai. Realme ka yeh phone 4th March 2019 ko India mein launch hone wala hai. Company ne kal official twitter handle par ek video post kiya hai. Ise aap neeche dekh sakte hain. Dikhai de rahe iss video mein 3 number lighting bolt ke saath dikh raha hai iske saath hi ek tag line bhi show ho rahi hai, Be Proactive. Iss tag line mein Pro bold letter mein likha hua hai.

 

Iss se expect kiya jaa raha hai ki Realme 3 ke saath hi company Realme 3 Pro ko bhi launch kar sakti hai. 28th February 2019 means aaj, Xiaomi bhi apne Redmi Note 7 ko India mein launch karega. Iss phone ke liye bhi expect kiya jaa raha hai ki company Redmi Note 7 ke saath hi Redmi Note 7 Pro ko bhi launch kar sakti hai. Agar yeh dono hi companies apne inn phones ke Pro variants ko launch karti hain to definitely yeh phones ek dusre ke tough competitor saabit hone wale hain.

 

 

Abhi tak saamne aayi Realme 3 ke specifications mein yeh confirm kiya gaya hai ki yeh phone 12nm Finfet technology based MediaTek Helio P70 chipset ke saath launch hoga. Saath hi iss phone ke rear panel par aapko diamond cut design dekhne ko milegi jise aap iss se pehle Realme U1 mein bhi dekh chuke hain. Iske alawa iss phone mein dual rear camera bhi milega jo ki LED flash ke saath aayega. Realme ke teaser image mein iss phone ke rear panel par finger print scanner bhi dekha jaa sakta hai. Yeh teaser image aap upar dekh sakte hain. Well , iss phone ki final specifications aur price iske India mein launch hone ke baad hi pata chalegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: