Realme 3 Ka Front Design And Antutu Benchmarking Score Leak Hua; Low Light Camera Samples Bhi Aaye Saamne

Realme 3, 4th March 2019 ko launch hone wala hai. Lekin iss phone ke launch se almost 1 week pehle hi, kuch camera samples aur front panel image aaj leak ho gayi. Isi front panel ki image mein AnTuTu Benchmark score ko bhi dekha jaa sakta hai. Yeh images popular leakster Ishan Agarwal ne apne twitter handle par share ki hain.

Dikhai de rahi image mein phone ka front panel dekha jaa sakta hai jismein dewdrop notch display hai. Phone ka Antutu Benchmarking score 137976 hai,ye bhi aap is image mein dekh sakte hain. Jaisa ki company ke CEO Madhav Seth confirm kar chuke hain, Realme 3 MediaTek ke Helio P70 chipset ke saath launch kiya jaana hai aur is chipset ke according, benchmarking score achha hai. Saath hi aapko ismein out of the box Android Pie OS mil sakta hai. Same image mein phone ka model number RMX1825 bhi dikhai de raha hai.

Is handset ke camera details abhi saamne nahin aayi hain, lekin iski low light performance aap neeche dekh sakte hain.

Image Credit: GSMArena
Image Credit: GSMArena
Image Credit: GSMArena

Ishan Agarwal ke dwara kiye gaye tweet mein dikhai gayi image ke alawa GSMArena ne bhi kuch camera sample ko show kiya hai jinhe aap upar dekh sakte hain. Sample images ke watermark mein aap dekh sakte hain ki yeh photos Realme ke phone se li gayi hain. GSMArena ne apne post mein bataya hai yeh photos chroma boost aur nightscape mode mein li gayi hain. Chroma boost photos ki dynamic range ko enhance karta hai wahin nightscape mode night time ya low light photo mein kisi bhi tarah ki shaking ko hone se bachata hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: