Realme 3 Aur Realme A1 New Leaks, March 2019 Tak Launch Expected

Realme ki taraf se iss saal 2019 ke first quarter mein 2 naye smartphone launch kiye jaa sakte hain. Haal hi mein saamne aayi new reports ke according 2 phones ke model numbers saamne aaye hain, jo ki RMX1821 aur RMX1825 hain. Ismein RMX1821, Realme 3 ka model number bataaya jaa raha hai, aur doosra Realme A1 ho sakta hai. Halaanki Realme 3 ke aaj saamne aaye is model number aur kaafi samay se sunte aa rahe is smartphone ne naam ke alawa aur koi rumors ya specs leak nahin hai, jabki Realme A1 ke specs ko lekar kuch khabarein market mein moujood hain.

 

Realme apne entry level smartphones ke saath market mein already apne kadam jama chuka hai. Yeh market mein budget smartphones banane wali top 5 companies ki list mein aa chuka hai. Realme 3 ki notch Realme 2 ke comparison mein choti ho sakti hai, ya fir yun kahein ki iss phone mein humein waterdrop notch ya dewdrop notch dekhne ko mil sakti hai. Kuch samay pehle saamne aayi rumors mein yeh bataya jaa raha tha ki Realme 3 mein 48MP ka rear camera aa sakta hai, lekin iss rumor ko Realme ke CEO ne galat bataaya hai.

Rumors ki according maana jaa raha hai ki Realme A1 market mein pehle se available Realme 2 aur Realme U1 ki specification aur price ke beech mein launch kiya jaa sakta hai. Iss phone ki rumours ko 2018 ke last month se suna jaa raha hai. Singapore based IMDA certification agency ke publication ne bataya hai ki yeh RMX1821 aur RMX 1825 model numbers certified paaye gaye hain.

Ab aapko rumored specs bataate hain, Realme A1,4 200mAh ki non-removable battery ke saath launch ho sakta hai. Jahan aapko iss phone mein 13MP + 2MP ka dual rear camera setup dekhne ko mil sakta hai. Saath hi front mein aapko 8MP ka camera mil sakta hai. Isi ke saath Realme A1 mein aapko Android 8.1 Oreo operating system bhi diya sakta hai. Iss phone ko 2GB aur 3GB RAM variant mein launch kiya jaa sakta hai, lekin internal storage ke liye yahan aapko sayad single storage variant hi dekhne ko mile.

Inn sabhi leaks information ke baad yeh dono phones March 2019 tak launch kiye jaa sakte hain. Jahan inn dono phones ki final specification aur price aapko launch ke baad dekhne ko milegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: