Realme 2 With Dual Rear Cameras Launched In India; Features, Availability And Pricing Details

Oppo ki Indian brand Realme ne apna first smartphone Realme 1 May 2018 mein launch kiya tha, jiski success ke baad, aaj company ne New Delhi, India mein iske successor Realme 2 ko announce kiya hai.

Realme 2 Flipkart exclusive hai aur is date se sale ke liye available hoga. Iska 3GB RAM + 32GB internal memory version 8,990 INR mein available hoga aur 4GB RAM + 64GB ROM variant ki kimat 10,990 INR hai.

Halaanki Realme 1 ek successful smartphone raha, lekin phir bhi usmein kuch kamiyaan users ko nazar aayin, jinhein Realme 2 mein poora kiya gaya hai. Aaiye nazar daalte hain, iske detailed specifications par.

Realme 2 mein ko Diamond cut design ke saath red, blue aur Diamond black colors mein launch kiya gaya hai. Saath hi ismein aapko display ke upar notch bhi milti hai. Iske alawa Realme 2 mein face unlock feature ke saath is baar rear panel par fingerprint scanner bhi diya gaya hai.

Ismein 6.2-inch ki HD+ display hai jo apko 19:9 aspect ratio ke saath milti hai. Smartphone ko power dene ke liye ismein Octa Core Qualcomm Snapdragon 450 processor diya gaya hai, jiski clock speed 1.8 GHz hai.

Realme 2 mein, company ke according inbuilt ‘game space’ bhi diya gaya hai, jo ki game install hone par automatically activate ho jaata hai aur aap gaming ki sabhi apps ko is ‘game space’ mein manage kar sakte hain.

Is smartphone mein 13 + 2 MP ka dual rear camera setup moujood hai jo aapko bokeh effect, PDAF, LED flash light aur f/2.0 aperture jaise features ke saath milta hai. Saath hi iska front camera 8 MP ka hai, jo AI Beautify 2.0 feature ke saath aata hai aur 128 face identification points ko detect karte huye aapko enhanced aur beautiful selfies offer karta hai.

Realme 2 mein 4230mAh ki battery moujood hai jo ‘AI power manager’ feature ke saath aayegi. Ye AI power manager aapke smartphone ki usage ko dekhte huye, apne aap smartphone ki battery ko drain hone se bachata hai. Background mein padi apps ko ye ‘quick freezing folder’ mein rakhta hai, taaki aapki battery long time tak chal sake.

Is handset mein dual 4G VoLTE support milta hai aur ye Android 8.1 Oreo OS par chalta hai, jiske saath custom UI ColorOS 5.1 bhi moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: