Realme 2 Pro Ke Saath Entry Level Smartphone Realme C1 Launch Hua; Specs, Price And Availability

Kya aap bhi Realme ke fan hain aur kya Realme 2 Pro ke intezaar mein hain?

To khatm hua intezaar aur launch huye hain 2 Realme phones is baar !

To khabar ye hai ki Realme 2 Pro launch ho chuka hai, aur saath mein bonus ke taur par saath laaya hai, ek aur smartphone, jiska naam Realme C1 hai.

Realme 2 Pro

Realme 2 Pro three color options mein introduce kiya gaya hai, jismein Ice Lake, Black Sea aur Blue Ocean shaamil hain. Ye Flipkart exclusive handset hai jo 11th October se available hoga.

Realme 2 Pro mein 6.3 inch ki FHD+ display di gayi hai, jo 19.5:9 aspect ratio aur Corning Gorilla Glass protection ke saath aayegi. Ismein waterdrop notch hai, jismein 16 MP ka camera, f/2.0 aperture ke saath fit kiya gaya hai. Saath hi ismein aapko 16 + 2 MP ka dual rear camera setup milta hai, jo LED flash light, dual pixel focus, Sony IMX398 sensor, f/1.7 aperture aur f/2.4 aperture (secondary camera) ke saath milta hai.

Security options mein rear mounted fingerprint scanner to hai hi, iske alawa face unlock feature bhi yahaan par aapko diya gaya hai.

Is dual SIM smartphone mein Octa Core Qualcomm Snapdragon 660 chipset aayega (iske four Kryo cores ki clock speed 2.2 GHz hai aur other four Kryo cores ki clock speed 1.8 GHz hai). Ismein ColorOS 5.2 user interface hai, jo Android 8.1 Oreo OS par based hai. Iske alawa ismein aapko 3500mAh ki battery, fast charging support ke saath milti hai.

Realme C1

Ab baat karte hain Realme C1 ki, jismein 6.2 inch ki HD+ notch display hai aur ye 1.8 GHz Octa Core Qualcomm Snapdragron 450 chipset par chalega. Ismein 2GB ki RAM aur 16GB ki native storage di gayi hai, jise aap microSD card ke through additional 256GB tak expand kar sakte hain.

Realme C1 mein 13 + 2 MP ke dual rear cameras hain, jinmein LED flash light, f/2.2 aperture (13 MP) aur f/2.4 aperture (2 MP) jaise features diye gaye hain. Front par 5 MP ka AI camera moujood hai. Ismein bhi aapko Android 8.1 Oreo OS milta hai.

Is handset mein fast charging support to nahin hai, lekin 4230mAh ki badi battery hai, jo easily aapko full day ka battery backup de sakti hai. Saath hi ismein fingerprint sensor aur face unlock bhi nahin hai, yahaan aapko pattern ya PIN lock ke saath hi apna phone secure rakhna hoga.

Realme C1 bhi dual SIM support ke saath aayega aur ye bhi 11th October se kewal Flipkart par available hoga.

Pricing And Availability Details

Realme 2 Pro

  • 4GB RAM + 64GB ROM – 13,990 INR
  • 6GB RAM + 64GB internal storage – 15,990 INR
  • 8GB RAM + 128GB inbuilt memory – 17,990 INR

Realme C1

  • 2GB RAM + 16GB internal memory – 6,999 INR
Facebook Comments

Recommended For You

About the Author: Pooja Choudhary

2 Comments

Leave a Reply

Your email address will not be published.

%d bloggers like this: