Wo-hoo ! Realme 2 Pro, WaterDrop Notch Aur 8GB RAM Ke Saath Launch Hoga, Kuch Aur Specs Bhi Saamne Aaye

Realme 2 Pro ke launch mein abhi bhi kuch din baaki hai, lekin aaj is smartphone ke launch ke invites company dwara bheje jaa chuke hain. Saath hi dheere-dheere specs bhi kaafi saamne aa chuke hain. Apne consumers ki expectations ko kaafi hadd tak poora karne ki koshish karte huye, company is handset mein achhe features dene waali hai.

Well, aap soch rahe hain, ki hum aisa kaise bol rahe hain. Darasal, aaj Realme 2 Pro ka invite saamne aaya hai, jismein ye bhi mention hai, ki Realme 2 Pro 8GB RAM tak ke saath aayega aur saath hi leaks ke according ismein 128GB tak ki storage hogi.

Halaanki iske alawa, khud company ke CEO already ye reveal kar chuke hain, ki ye upcoming Realme device, Octa Core Qualcomm Snapdragon 660 processor ke saath aayega. Iske alawa Flipkart teaser page par bhi aap dekh sakte hain ki ye aapko amazing full view display aur waterdrop notch ke saath milne wala hai, jo ab tak aapko mid-range aur high-end smartphones mein hi milti aayi hai.

Iske alawa Realme 2 Pro ke rear panel par upper left corner mein dual rear cameras aur LED flash light hai. Saath hi center mein fingerprint scanner fit kiya gaya hai. Iske alawa ye smartphone aapko glass sandwich design ke saath milne waala hai aur look wise ek premium handset lag raha hai.

Realme 2 Pro mein Android 8.1 Oreo OS ke saath Color V 8.2 milega. Saath hi 8GB RAM ke alawa, 6GB aur 4GB RAM options bhi ismein aane ki ummid hai. Saath hi iski kimat lagbhag 14 se 15,000 INR se start ho sakti hai.

Ab aapka kya kehna hai, is premium design waale phone ke baare mein, jo aapko affordable range mein milne waala hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: