Realme 1 Ke Baad, Jaldi Hi launch Hone Jaa Raha Hai Realme 2, Launch Date Saamne Aayi

Oppo ki sub-brand, jise aap Oppo ka domestic brand bhi keh sakte hain – Realme India mein May 2018 mein launch kiya gaya hai. Iske first smartphone, Realme 1 ko India mein kaafi achha response mila. Jiske baad company iska successor yaani ki Realme 2 bhi jaldi hi launch karne jaa rahi hai.

Oppo ke other smartphones ke opposite, Realme 1 achhe features aur powerful processor ke saath aane waala budget smartphone tha, jise logon ne kaafi pasand bhi kiya aur ab company Realme 2 ko isi month yaani ki August mein hi launch karne jaa rahi hai.

Sharmaji Infinity ki team aapko sabse pehle exclusively ye bata rahi hai ki Realme 2, 28th of August ko launch hone jaa raha hai.

Ab agar iske specs ki baat karein to, Realme 2 ka jo first teaser saamne aaya hai, usmein full view display show ho rahi hai aur upar notch bhi moujood hai, wahin rear panel par diamond cut pattern design hai, vertically designed dual rear cameras hai aur saath hi Realme 1 ki kami ko poora karte huye, center mein fingerprint scanner bhi hai.

Iske alawa abhi Realme 2 ke specs ko lekar koi khabar nahin hai, lekin zaahir hai ki Realme 1 ke response ke baad , is smartphone se logon ko kaafi expectation hain.

Realme 1 ko India mein three versions mein launch kiya gaya tha jismein 3GB RAM + 32GB ROM version ka price 8,990 INR hai, 4GB RAM + 64GB ROM variant ka price 10,990 INR hai aur 6GB RAM + 128GB storage variant ki kimat 13,990 INR hai. Ye smartphone Black, Silver aur Red colors mein launch hua tha, jabki Realme 2 ke teaser image mein humein ek naya Blue color dekhne ko mila hai. Iske alawa ye kitne variants mein kis price ke saath aayega, ye kehna zara mushkil hai.

Facebook Comments

Recommended For You

About the Author: Pooja Choudhary

3 Comments

Leave a Reply

Your email address will not be published.

%d bloggers like this: