Realme 10000mAh Power Bank & Buds Wireless Budget Price Mein India Mein Launch Huye

India mein aaj Realme XT ka launch event hai, jismein company ne phone ke baare mein bataane se pehle Realme 10000mAh power bank aur Realme buds wireless introduce kiye hain. Realme Power Bank Flipkart, Amazon aur Realme.com par September end se available hogi. Jabki Realme Buds Wireless Amazon, Realme.com par kal yaani ki 14th September se available honge.

Realme Buds Wireless

Realme Buds Wireless mein Bestechnic BES2300 audio chip aur Bluetooth 5.0 hai, jiske through aap ise kisi bhi device se easily connect kar payenge. Ismein aapko built-in microphone bhi milta hai. Saath hi Alan Walker ke through ismein professional tuning ki gayi hai aur amazing audio quality ke liye 11.2mm Bass Boost driver hai.

Ye wireless buds kewal 30 grams ke hain aur IPX4 certification ke saath splash proof bhi hain. Inmein 110mAh ki battery hai, jo 12 hours ka playback time deti hai.

Inhein aap Black, Orange aur Green colors mein kharid sakte hain aur iski cost 1799 INR hai.

Realme 10000mAh Power Bank

Realme ke ye Power Bank kaafi attractive colors mein launch kiye gaye hain, jinmein yellow, red & grey colors shaamil hain. Ye power bank sirf 12.5mm thick hai aur aapko 18W two-way fast charging support ke saath milta hai. Ismein Type-C port aur Type-A port hain jo two different devices ko ek saath charge kar sakte hain.

Realme 10000mAh Power Bank ka weight 230 grams hai aur battery completely drain hone par aap ise 18W charger se 3.28 hours mein full charge kar sakte hain.

Realme Power Bank ko 1299 INR mein purchase kiya jaa sakta hai hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: