Realme 1 vs Realme 2 Detailed Comparison: Powerful Processor Or Trendy Design ?

Isi year ke May month mein Oppo ne apni new sub-brand ‘Realme’ ki announcement ki, jiska first smartphone Realme 1 exclusively Amazon ke saath launch kiya gaya. Is smartphone ki khaasiyat rahi, less price and more features. Realme 1 ko three storage versions mein launch kiya gaya aur customers ko bhi ye phone behad attractive laga.

Isi ko dekhte huye, kal company ne Realme 2 ko introduce kiya aur logon ki expectation, isse kaafi high thi. Realme 1 ke mukaable, ismein notch display, more color options aur fingerprint scanner jaise features include kiye gaye. Lekin kya waakyi mein ye is handset ko Realme 1 jitna achha response mil sakega.

Aaiye dekhte hain, ki kya waakyi mein Realme 1 ka successor, isse better hai ?

Design and Build Quality

Realme 1 aur 2 dono hi polycarbonate body ke saath milte hain, haalanki inke diamond cut pattern design ke saath ye aapko premium feel dete hain. Iske alawa Realme 1 mein back par single camera with LED flash, center mein Realme ki branding aur neeche Oppo ki branding di hui hai. Wahin Realme 2 mein left corner par dual cameras with flash, center mein fingerprint sensor aur neeche Realme ki branding hai.

Iske alawa Realme 2 badi battery ke saath thoda sa bhaari lagta hai, jabki Realme 1 lightweight hai. Measurements bhi lagbhag same hain, lekin notch display ke saath, Realme 2 ki display slightly badi hai.

Well, Realme 2 ke design ko company ne sabhi trendy features ke saath update zaroor kiya hai. 19:9 notch display, dual rear cameras, diamond-cut design ke saath Realme 2 ka look Realme 1 ke comparison mein attractive hai.

Display

Realme 1 mein aapko 6 inch ki full HD+ 19:9 display milti hai, jiski pixel density 403ppi hai. Wahin Realme 2 mein display ka size thoda bada hai. 6.2 inch ki ye display, HD+ resolution, 19:9 aspect ratio aur 271 ppi pixel density ke saath di gayi hai. In numbers aur figures se clearly samajh aa raha hai ki Realme 2 mein display ka size bhale hi increase kiya hai, lekin quality gir gayi hai. full HD+ ke baad , Realme 2 mein HD+ 19:9 display di gayi hai aur ismein aapko colors aur quality, dono hi Realme 1 ke mukaable mein kam milengi.

Hardware and Software

Realme 1 mein company ne MediaTek Helio P60 chipset diya hai, jo Snapdragon 625 aur 450 se behtar hai. Is chipset ka performance aur comparison aap neeche hamaari video mein dekh sakte hain. Lekin Realme 2 ko Snapdragon 450 ke saath launch kiya gaya hai, jisse customers bilkul khush nahin hai. Company ne successor to launch kiya hai, lekin processor ke maamle mein compromise kiya gaya hai.

Realme 1 aur Realme 2 dono mein hi Android 8.1 Oreo hai aur saath hi custom UI ColorOS 5.0 bhi moujood hai.

Camera

Realme 2 mein 13 + 2 MP ke dual rear cameras hain. Yahaan par Realme 1 ke comparison mein jo additional 2 MP camera diya gaya hai, wo depth focus karne ke liye hai aur waakyi mein isse aapke pictures mein improvement aati hai. Saath hi low light photography bhi improve hui hai aur aapko panorama aur HDR modes bhi milte hain.

Realme 1 aur 2 mein 8 MP front camera hai, lekin Realme 2 ke selfie clicks, Realme se thode better hain. Overall baat ki jaaye to, Realme 2 ka camera section aapko better photography experience deta hai.

Battery

Realme 1 mein 3410mAh ki battery hai, jabki Realme 2 mein 4230mAh ki battery di gayi hai aur ismein AI power manager feature bhi moujood hai, jo aapke smartphone usage ko samajhte huye, battery usage ko manage kar use save karta hai. Halaanki dono hi smartphones mein koi fast charging support nahin hai.

Price and Availability

Realme Amazon exclusive hai aur three versions mein launch kiya gaya hai.

  • 3GB+32GB variant – 8,990 INR
  • 4GB+64GB version – 10,990 INR
  • 6GB+128GB option – 13,990 INR

Realme 2 Flipkart exclusive hai aur two storage options mein available hoga.

  • 3GB+32GB version – 8,990 INR
  • 4GB+64GB variant – 10,990 INR

Realme 1 ki sale Amazon par jaari hai, jabki Realme 2 sale ke liye September 4 se available hoga.

Verdict

Agar aap design ke deewaane hain, to Realme 2 aapke liye perfect hai, kyunki usmein sabhi trendy cheezein jaise ki notch, diamond cut design aur dual rear cameras jaise features hain, Wahin agar aapko powerful smartphone ki talaash hai to Realme 1 is price range mein best hai.

Halaanki camera aur battery bhi Realme 2 mein jyada achhi hai, lekin display aur chipset quality ke saath compromise kiya gaya hai. Wahin Realme 1 mein battery capacity thodi kam hai, lekin display achhi hai aur chipset bhi powerful hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: