Rakha Bandhan Par Yeh Digital Gifts De Sakte Hain Aap Apni Sisters Ko

Rakhi ka festival almost aa hi chuka hai. Iss festival mein kya hota hai, yeh batane ki jarurat nahi hai, lekin gift iss festival mein ek important cheej hai, jise har ek sister apne bhai se lena chahti hai. Lekin har baar gifts mein kya naya diya jaaye, yeh hamesha se hi bhaiyon ke liye ek confuse karne wala decision raha hai. Iss post mein hum aapke liye kuch aise gadgets gifts ko le kar aaye hain, jo aapki sister ko pasand bhi aayenge, saath hi unke liye useful bhi honge.

Fitness Band 

Fitness band aisi device hai jise koi bhi apni daily life mein use kar sakta hai. Ache fitness band ki shuraat Rs 1299 se ho jaati hai, jismein Sonata Smart Band,  Mi Band HRX, Mi Band 3, Honor Band, Noise Colorfit Fitness band include hain. Inn sabhi fitness bands mein aapko kaafi color options bhi mil jaate hain, jo ki girls ko easily pasand aa sakte hain. Inn wearable devices ko aap online platform se purchase kar sakte hain.

Power Bank 

Aaj kal sabhi log smartphones use karte hain. Agar aap selfies click karne ke shaukeen hain to aapko yeh jarur pata hoga ki selfies ya pictures shoot karne mein kitni jaldi  phone ki battery khatam ho jaati hai. Aise mein sister ko power back ke liye ek power bank gift karna bhi acha option saabit hoga. Syska, Lenovo, Intex, Xiaomi, inn sabhi brands mein aapko affordable aur bhadiya power bank mil jaate hain, jinki starting price Rs 499 hai.

Bluetooth Headphones 

Music sunna sabhi ko pasand hota hai. Aise mein agar aapke pass wireless headphones ho to phone ko haath mein le kar chalne ki tension nahi rehti hai. Boat company, sirf Rs 1499 mein aapko wireless headphones provide kar rahi hai. Iske alawa JBL, Phillips, Sony jaise brands mein bhi aapko achi quality ke Bluetooth headphones ka option mil jaata hai, jahaan inki keemat Rs 2000 se shuru hoti hai.

Portable Speakers

Headphones ke alawa agar aapki sister loud music sunne ki hobby rakhti hai, to ek portable speakers acha option ban sakta hai. Mivi, JBL, Boat jaise brands mein aapko affordable price par achi quality ke portable speakers mil jaate hain, jinki price Rs 1200 se shuru ho jaati hai. Yeh wireless portable speakers size mein small hone ke bawjood bhi kaafi loud audio deliver karte hain. Inmein USB, AUX aur Bluetooth connectivity ka option bhi aapko mil jaata hai.

Smartphone Accessories 

Inn sabhi products ke alawa smartphones liye kaafi aisi devices aati hai, jo useful hoti hain. Ismein Phone ke covers se le kar phone holder, data transfer device, waterproof case jaisi devices include hain. Yeh devices aapko offline market mein bhi badi aasani se mil jaati hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: