Rajnikanth ke Moves or khiladi ka Action Dikhenge iss Movie me Ek Sath ,2.0 Teaser Hua Out

Movie 2.0 ka official teaser aaj relase ho chuka hai . Yah movie kafi time se charcha me bani hui hai . Aaj Ganesh chaturthi ke pahle din yah teaser release kiya gaya hai . Kal raat me kafi famous personalities ne iss teaser ke out hone ka announcement apne social media handle par kar diya tha jis me Akshay kumar sabse jydad excited dikhe . Pichle kuch dino se Akshay kumar 2.0 ko le kar kafi post social media handle par upload kar rahe the .  Iske alawa Shankar Shanmugham ne apne tweeter account par iske release ka announcement kiya .

Kafi time se iss movie ke fake teaser relase kar ke audience ko bewkoof bnaya ja raha tha but finally aaj iss movie ke official teaser ko Dharma production or Lyca production ke official pages par realese kar diya gaya hai . Lyca production south movies ka official page hai .  Rajnikanth or Akshay Kumar starer Iss Movie ka Audience ko kafi jyada wait hai or aaj release huye iss teaser se yah excitement or bhi jyada bhad gayi hai. Movie ke teaser se yah concept bot clear ho gaya hai ki Akshay Kumar Is movie me ek Antagonist means negative role me nazar aane wale hai .

 

Movie ka teaser Birds ke udate huye scene se start hota hai  jiske baad baki teaser me ek giant kind  bird jo ki kisi technology ke oppose me hai , dikhaya jata hai . Teaser me public ke phones hawa me udate huye dikhai dete hai jo ki kisi super power ke through kheench liye jate hai . Teaser me 35 seconds complete hone ke baad Rajnikanth ka face reveal kiya gaya hai . Robot ki tarah iss movie me bhi Rajnikanth scientist Vaseegaran or  robot chitti ke role me nazar aaenge . Female actor ke role me iss baar Ami jackson nazar aane wali hai. Iske alawa Shudhanu Panday , Adil Hussain bhi major role me dikhai denge .

 

2.0 ko banne me kafi time laga hai or us se bhi jyada time ise release karne me liya ja raha hai , jis ka main reason hai isko banane me use kiye jaane wale VFX ki quality . Hollywood movies ki tarah effects dene me kafi VFX ka use kiya gaya hai . jiski wajah se movie ki kayi baar editing bhi ki gayi hai . Sources ki according iss movie ko banane me 500 crore se bhi jayda ki laagat aayi hai . Itne time or laaagat ke baad movie ke liye excitement bhadna common hai . Movie ke teaser me thriller or action kafi bhadiya dikhaya gaya hai or ummeed karte hai ki yah thriller or action puri Movie me bna rahega .

 

 

2.0 ka music AR Rahman ne diya hai . Dharma Production ke under me film banai gayi hai or iska Direction Shankar Shanmugham ne kiya hai or ise produce subhaskaran ne kiya hai. Hollywood ko takkar dene wali yah 29 November ko release ki jaegi .

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: